વંદે ભારત હવે આવશે સ્લીપર વર્ઝનમાં : રાજધાની એક્સપ્રેસ ટ્રેનનો મળશે વિકલ્પ

દેશમાં(India) વંદે ભારત એક્સપ્રેસ ટ્રેનોનો(Trains) વ્યાપ ઝડપથી વધી રહ્યો છે. વંદે ભારત(Vande Bharat) દેશની સૌથી ઝડપી દોડતી ટ્રેનોમાંની એક છે. આ સેમી-હાઈ સ્પીડ ટ્રેનો હવે દેશના મહત્વના કેન્દ્રોને જોડી રહી છે. ભારતીય રેલ્વેની સેમી-હાઈ-સ્પીડ ટ્રેન વંદે ભારત એક્સપ્રેસ રેલ મુસાફરોમાં આકર્ષણનું કેન્દ્ર બની છે. અત્યાર સુધી મુસાફરોને આવી આઠ ટ્રેનોની સુવિધા આપવામાં આવી રહી છે, પરંતુ ટૂંક સમયમાં મુસાફરોને વંદે ભારતમાં સ્લીપર કોચની સુવિધા પણ મળવા લાગશે. કારણ કે વંદે ભારત ટ્રેનનું સ્લીપર વર્ઝન 220 કિમી પ્રતિ કલાકની ઝડપે મુસાફરી કરવા માટે તૈયાર કરવામાં આવશે. જે બાદ યાત્રી વંદે ભારતની સ્લીપર વર્ઝન ટ્રેનમાં મુસાફરીનો આનંદ માણી શકશે.

અધિકારીઓનું કહેવું છે કે હવે વંદે ભારત ટ્રેનના સ્લીપર વર્ઝનને 220 કિમી પ્રતિ કલાકની ઝડપે મુસાફરી કરવા માટે તૈયાર કરવામાં આવશે, જોકે આ એલ્યુમિનિયમથી બનેલી સ્લીપર વર્ઝન ટ્રેનો ટ્રેક પર 200 કિમી પ્રતિ કલાકની ઝડપે દોડશે. તેમણે કહ્યું કે ચેર કાર વંદે ભારત એક્સપ્રેસ ટ્રેનોને તબક્કાવાર રીતે શતાબ્દી એક્સપ્રેસ દ્વારા બદલવામાં આવશે, જ્યારે સ્લીપર વર્ઝન રાજધાની એક્સપ્રેસ ટ્રેનોનો વિકલ્પ હશે.

બે તબક્કામાં 400 વંદે ભારત ટ્રેન

અધિકારીઓએ જણાવ્યું કે, પ્રથમ તબક્કામાં, રેલવેએ 400 વંદે ભારત ટ્રેનો માટે રિલીઝ જારી કરી છે અને આ મહિનાના અંત સુધીમાં કામને મંજૂરી આપવામાં આવશે. વંદે ભારત સ્લીપર વર્ઝન ટ્રેન બનાવવા માટે ચાર મોટી દેશી અને વિદેશી કંપનીઓ આગળ આવી છે. યોજના મુજબ, પ્રથમ 200 વંદે ભારત ટ્રેનોમાં શતાબ્દી એક્સપ્રેસ-શૈલીની બેઠક વ્યવસ્થા હશે અને તેને 180 કિમી પ્રતિ કલાકની ઝડપે મુસાફરી કરવા માટે ડિઝાઇન કરવામાં આવશે. રેલ્વે ટ્રેકની અપૂરતી સલામતી અને સુરક્ષાને ધ્યાનમાં રાખીને તેમની ગતિ 130 કિમી પ્રતિ કલાક સુધી મર્યાદિત કરવામાં આવશે. આ ટ્રેનો સ્ટીલની બનેલી હશે.

જાણો કઈ ઝડપે દોડશે ટ્રેન

બીજા તબક્કામાં 200 વંદે ભારત ટ્રેનો સ્લીપર હશે અને તે એલ્યુમિનિયમથી બનેલી હશે. તે મહત્તમ 200 કિમી પ્રતિ કલાકની ઝડપે દોડશે. એક અધિકારીએ જણાવ્યું કે આ માટે દિલ્હી-મુંબઈ, દિલ્હી-કોલકાતા રેલ્વેના ટ્રેકનું સમારકામ કરવામાં આવી રહ્યું છે, સિગ્નલ સિસ્ટમ, પુલને ઠીક કરવામાં આવી રહ્યા છે અને ફેન્સીંગનું કામ ચાલી રહ્યું છે. જે ટૂંક સમયમાં પૂર્ણ થશે.