રાહુલ ગાંધીને લાગી ઠંડીથી બીક ? જમ્મુ કાશ્મીર પહોંચતા જ પહેરી લીધું જેકેટ
Rahul Gandhi scared of cold? The jacket was worn on reaching Jammu Kashmir
રાહુલ ગાંધીની (Rahul Gandhi) ભારત જોડો યાત્રા આજે કઠુઆમાં છે. યાત્રાનું નેતૃત્વ કરી રહેલા કોંગ્રેસના(Congress) સાંસદ રાહુલ ગાંધી ગુરુવારે તેમની યાત્રાના અંતિમ ચરણમાં પંજાબથી જમ્મુ પહોંચ્યા હતા. અગાઉ રાહુલ ગાંધી કડકડતી શિયાળામાં માત્ર ટી-શર્ટ પહેરીને જ ઉત્તર ભારતમાં પ્રવાસ કરતા હતા, પરંતુ આજે પહેલીવાર તેઓ જેકેટમાં જોવા મળ્યા હતા. જમ્મુ-કાશ્મીરના ઘણા ભાગોમાં સવારથી જ ઝરમર વરસાદ પડી રહ્યો છે. જેના કારણે આખરે રાહુલ ગાંધીને જેકેટ પહેરવું પડ્યું હતું.
અત્યાર સુધી રાહુલ ગાંધીને યાત્રા દરમિયાન કડકડતી ઠંડીમાં માત્ર ટી-શર્ટ પહેરવા બદલ વિરોધ પક્ષો અને સોશિયલ મીડિયા યુઝર્સ દ્વારા ઘણી વખત ટ્રોલ કરવામાં આવ્યા હતા. જેના જવાબમાં રાહુલે કહ્યું હતું કે જો તેને ઠંડી લાગશે તો તે વધુ ગરમ કપડા પહેરશે. 25 જાન્યુઆરીએ, 52 વર્ષીય કોંગ્રેસના નેતા જમ્મુ અને કાશ્મીરના રામબન જિલ્લાના બનિહાલમાં રાષ્ટ્રધ્વજ ફરકાવશે. તેમજ તેના બે દિવસ બાદ 27 જાન્યુઆરીએ આ યાત્રા અનંતનાગ થઈને શ્રીનગરમાં પ્રવેશ કરશે.
સુરક્ષા એજન્સીઓએ રાહુલ ગાંધીને જમ્મુ-કાશ્મીરમાં પગપાળા મુસાફરી ટાળવાને બદલે કારમાં મુસાફરી કરવાની સલાહ આપી હતી. આ સાથે રાહુલ ગાંધી પાસે હાલમાં Z+ કેટેગરીની સુરક્ષા કવચ છે. આ સાથે 8/9 કમાન્ડો તેમને 24×7 સુરક્ષા પૂરી પાડી રહ્યા છે. આ યાત્રાએ અત્યાર સુધીમાં 125 દિવસમાં 3,400 કિલોમીટરનું અંતર કાપ્યું છે.ભારત જોડો યાત્રા 7 સપ્ટેમ્બરના રોજ તમિલનાડુના કન્યાકુમારીથી શરૂ થઈ હતી. આ યાત્રાએ અત્યાર સુધીમાં તમિલનાડુ, કેરળ, કર્ણાટક, આંધ્રપ્રદેશ, તેલંગાણા, મહારાષ્ટ્ર, મધ્યપ્રદેશ, રાજસ્થાન, દિલ્હી, ઉત્તર પ્રદેશ, હરિયાણા અને પંજાબને આવરી લીધા છે.
