પીએમ મોદી કર્ણાટકમાં કરશે મેગા રોડ શો : 28માંથી 19 વિધાનસભા મત વિસ્તારને આવરી લેશે

કર્ણાટક ચૂંટણી માટે વડાપ્રધાન નરેન્દ્ર મોદીના(Narendra Modi) પ્રસ્તાવિત કાર્યક્રમમાં ફેરફાર કરવામાં આવ્યો છે. 36.6 કિલોમીટરના રોડ શો કાર્યક્રમમાં ફેરફાર કરીને ભાજપે તેને બે દિવસમાં વહેંચી દીધું છે. લેટેસ્ટ શેડ્યૂલ મુજબ હવે તેઓ શનિવારે સવારે 10 થી 1.30 અને રવિવારે સવારે 10 થી બપોરે 2.30 સુધી રોડ શો કરશે. પહેલા તે એક દિવસમાં પૂર્ણ કરવાનું હતું, પરંતુ બેંગલુરુના લોકોને પડતી મુશ્કેલીઓને ધ્યાનમાં રાખીને તેને બદલવાનો નિર્ણય લેવામાં આવ્યો હતો.

કેન્દ્રીય મંત્રી શોભા કરંદલાજેએ જણાવ્યું કે જનતાએ કહ્યું છે કે જો આખો દિવસ રોડ શો યોજવામાં આવશે તો તેનાથી સમસ્યા થશે. એટલા માટે અમે તેમની ભાવનાઓનું સન્માન કર્યું છે. બે દિવસમાં કરવાનું નક્કી કર્યું છે. 6 અને 7 મેના રોજ રોડ શો શહેરના કુલ 28 વિધાનસભા મતવિસ્તારોમાંથી 19માંથી પસાર થશે. કર્ણાટકમાં 10 મેના રોજ મતદાન થશે. 8 મે એ પ્રચારનો છેલ્લો દિવસ છે અને 13 મેના રોજ મતગણતરી થશે.

દરમિયાન શુક્રવારે વડાપ્રધાન નરેન્દ્ર મોદીની શહેરની મુલાકાતને ધ્યાનમાં રાખીને ટ્રાફિકને અસર થશે. બેંગ્લોર ટ્રાફિક પોલીસે એક એડવાઈઝરી જારી કરી છે. ઓલ્ડ એરપોર્ટ રોડ, કેમ્બ્રિજ લેઆઉટ રોડ, 100 ફીટ રોડ, એએસસી સેન્ટર, ટ્રિનિટી સર્કલ વગેરે પર ટ્રાફિકને અસર થશે. મુસાફરોને તે મુજબ તેમની મુસાફરીનું આયોજન કરવાની સલાહ આપવામાં આવી છે.