અજિત પવારે NCP પર કર્યો દાવો : કહ્યું બધા નેતાઓ અમારી સાથે, ઘડિયાળના ચિન્હ પર લડીશું ચૂંટણી

મહારાષ્ટ્રમાં(Maharashtra)  રાજકીય ઉથલપાથલનો નવો રાઉન્ડ શરૂ થયો જ્યારે વરિષ્ઠ રાષ્ટ્રવાદી કોંગ્રેસ પાર્ટી (NCP) નેતા અજિત પવારે અચાનક મહારાષ્ટ્રના ડેપ્યુટી સીએમ તરીકે શપથ લીધા અને શિંદે-ભાજપ સરકારમાં જોડાયા. NCP પ્રમુખ શરદ પવારના ભત્રીજા અજીતે કહ્યું છે કે NCPના મોટાભાગના ધારાસભ્યો તેમની સાથે ઉભા છે. તેઓ એનસીપીના નામ અને ચિન્હ (ઘડિયાળ) પર આગામી ચૂંટણી લડશે.
અહેવાલો અનુસાર, મહારાષ્ટ્રના નાયબ મુખ્યમંત્રી અજિત પવારને NCPના 40 ધારાસભ્યો અને 6 MLCનું સમર્થન છે. શપથ સમારોહ પછી પ્રેસ કોન્ફરન્સમાં અજિત પવારે કહ્યું, “આજે અમે મહારાષ્ટ્ર સરકારને સમર્થન આપવાનું નક્કી કર્યું છે અને મંત્રી તરીકે શપથ લીધા છે. વિભાગો વિશે પછીથી ચર્ચા કરવામાં આવશે. અમે રાષ્ટ્રીય સ્તરે તમામ પાસાઓને ધ્યાનમાં લઈને આ નિર્ણય લીધો છે.

NCPના નામ અને ચિન્હ પર ચૂંટણી લડશે – અજિત પવાર

નવા નિયુક્ત નાયબ મુખ્ય પ્રધાન પવારે કહ્યું, “અમે લગભગ તમામ NCP ધારાસભ્યો સાથે મળીને શિંદે-ફડણવીસ સરકાર સાથે હાથ મિલાવવાનો નિર્ણય કર્યો છે.” અમે આજે શપથ લીધા છે અને આગામી વિસ્તરણમાં કેટલાક અન્ય મંત્રીઓને સામેલ કરવામાં આવશે. ઘણા લોકો આપણી ટીકા કરશે પણ આપણે તેને મહત્વ નથી આપતા. અમે મહારાષ્ટ્રની પ્રગતિ માટે કામ કરતા રહીશું. એટલા માટે અમે આ નિર્ણય લીધો છે. અમારા મોટાભાગના ધારાસભ્યો અમારા નિર્ણયથી સંતુષ્ટ છે. અમે NCP પાર્ટી સાથે આ સરકારને સમર્થન આપ્યું છે. અમે તમામ ચૂંટણી NCPના નામ અને ચિન્હ પર લડીશું. મહારાષ્ટ્રમાં વર્તમાન સરકારને સમર્થન આપ્યા બાદ પવારે કહ્યું હતું કે, “કેટલાક ધારાસભ્યો અત્યારે દેશની બહાર હોવાથી તેઓ પહોંચી શકતા નથી પરંતુ મેં તે બધા સાથે વાત કરી છે અને તેઓ અમારા નિર્ણય સાથે સંમત છે.”

NCPના 9 ધારાસભ્યોએ શપથ લીધા

એનસીપીના દિગ્ગજ નેતા અજિત પવારે શનિવારે બપોરે રાજ્યપાલ રમેશ બૈસ, મુખ્યમંત્રી એકનાથ શિંદેની હાજરીમાં મહારાષ્ટ્રના નાયબ મુખ્યમંત્રી તરીકે શપથ લીધા અને એનડીએ સરકારમાં જોડાયા. પવારની સાથે NCPના નેતાઓ છગન ભુજબળ, દિલીપ પટિન અને હસન મુશ્રીફે મહારાષ્ટ્રના કેબિનેટ મંત્રી તરીકે શપથ લીધા. એનસીપીના નેતાઓ ધનંજય મુંડે, ધર્મરાવ, અદિતિ તટકરે, સંજય બંસોડે, અનિલ પાટીલે મહારાષ્ટ્રના મંત્રી તરીકે શપથ લીધા.