બે દિવસ બાદ તબિયત બગડતા માતાપિતાને ખબર પડી કે બાળક 2 રૂપિયાનો સિક્કો ગળી ગયો છે !

સુરતના(Surat) વરાછા વિસ્તારમાં રહેતા 7 વર્ષના બાળકે 2 રૂપિયાનો સિક્કો ગળી જતાં પરિવારજનો હોસ્પિટલે દોડી આવ્યા હતા. બાળકને બે દિવસ પહેલા સિક્કો ગળ્યા બાદ ઉલ્ટી થતાં તેને ખાનગી હોસ્પિટલમાં લઈ જવાયો હતો. જ્યાં એક્સ-રે કરવામાં આવ્યો તો ખબર પડી કે સિક્કો છાતીમાં ફસાઈ ગયો હતો. જેથી તેઓ સારવાર માટે સિવિલ હોસ્પિટલ પહોંચ્યા હતા.

બે દિવસ પહેલા તે રમતા રમતા સિક્કો ગળી ગયો હતો

નાના વરાછા વિસ્તારના અંબિકા નગરમાં સંજુભાઈ સાહુ તેમના પરિવાર સાથે રહે છે. સંજુભાઈ લોન્ડ્રીના વ્યવસાય સાથે સંકળાયેલા છે. સાત વર્ષનો પુત્ર દેવાંશ પ્રથમ ધોરણમાં અભ્યાસ કરે છે. બે દિવસ પહેલા દેવાંશે ઘરે રમતા રમતા બે રૂપિયાનો સિક્કો ગળી ગયો હતો.

અચાનક ઉલ્ટી થવા લાગી

બે દિવસથી દેવાંશને કંઈ થયું નહીં અને તે ઘરમાં જ રમી રહ્યો હતો. પરંતુ, તે પછી દેવાંશને ઉલ્ટી થવા લાગી હતી. તેથી, માતા-પિતા દેવાંશને નજીકની ખાનગી હોસ્પિટલમાં લઈ ગયા. જ્યાં એક્સ-રેમાં છાતીમાં સિક્કો ફસાયેલો હોવાનું બહાર આવ્યું હતું. પરિવારની આર્થિક સ્થિતિ સારી ન હોવાથી તેઓ સારવાર માટે સિવિલ હોસ્પિટલ પહોંચ્યા હતા.

એક્સ-રે છાતીમાં અટવાયેલો સિક્કો બતાવે છે

દેવાંશને એક્સ-રે કરાવી સિવિલ હોસ્પિટલમાં લઈ જવામાં આવ્યો હતો. જ્યાં ફરજ પરના તબીબે ગંભીરતા જોઈ બાળકને દાખલ કર્યો હતો. હાલમાં દેવાંશને બાળકોની ઓપીડીમાં સારવાર આપવામાં આવી રહી છે. બાળકની છાતીમાં ફસાયેલો સિક્કો કાઢવા માટે ડોક્ટરોએ ઓપરેશન કર્યું છે.