મુંબઈની ધીરુભાઈ અંબાણી સ્કૂલને બોમ્બથી ઉડાવી દેવાની ધમકી આપવાનો ફોન ગુજરાતથી કરાયો

મહારાષ્ટ્રની (Maharashtra )રાજધાની મુંબઈમાં (Mumbai )આવેલી ધીરુભાઈ અંબાણી સ્કૂલને બોમ્બથી (Bomb )ઉડાવી દેવાની ધમકીના મામલે એક નવો ખુલાસો થયો છે. મુંબઈ પોલીસે ફોન કરનારને ટ્રેસ કરી લીધો છે. ટૂંક સમયમાં મુંબઈ પોલીસ ધમકી આપનાર વ્યક્તિને પકડી શકશે. મંગળવારે સાંજે 4.30 કલાકે ફોન કરનારે ધીરુભાઈ અંબાણી સ્કૂલને ફોન કરીને બોમ્બથી ઉડાવી દેવાની ધમકી આપી હતી. ફોન કરનારે કહ્યું કે શાળામાં ટાઈમ બોમ્બ મુકવામાં આવ્યો છે અને ટુંક સમયમાં જ શાળાને ઉડાવી દેવામાં આવશે. આ પછી તરત જ ફોન કરનારે કોલ ડિસ્કનેક્ટ કરી દીધો.

ત્યારબાદ તરત જ ફોન કરનારે બીજી વખત શાળાના લેન્ડલાઈન નંબર પર ફોન કર્યો અને જણાવ્યું કે તે ગુજરાતમાંથી બોલી રહ્યો છે અને પોલીસ તેને પકડી શકે તે માટે તે આવું કરી રહ્યો છે. તેની માનસિકતા હતી કે જો તે આ કરે છે, તો તે પ્રખ્યાત થઈ જશે. બધાનું ધ્યાન તેની તરફ જશે. તે ઈચ્છે છે કે લોકો તેના વિશે જાણે. આ પછી તેણે ફોન કાપી નાખ્યો. સ્કૂલ ઓથોરિટીએ આ અંગે મુંબઈ પોલીસને ફરિયાદ કરી હતી. મુંબઈ પોલીસે સ્કૂલ પ્રશાસનની ફરિયાદના આધારે કેસ નોંધ્યો હતો.

મુંબઈ પોલીસને મળી મોટી સફળતા, ફોન કરનારની ઓળખ મળી

મુંબઈ પોલીસે બાંદ્રા કુર્લા કૉમ્પ્લેક્સ પોલીસ સ્ટેશનમાં અજાણ્યા કૉલર વિરુદ્ધ IPCની કલમ 505 (1) (b) અને 506 હેઠળ કેસ નોંધ્યો છે. મુંબઈ પોલીસે દાવો કર્યો છે કે ફોન કરનારને ટ્રેસ કરી લેવામાં આવ્યો છે અને ટૂંક સમયમાં તેને પકડી લેવામાં આવશે.

ફોન કરનારે મંગળવારે સાંજે સ્કૂલના લેન્ડલાઈન નંબર પર ફોન કરીને ટાઈમ બોમ્બ ફિક્સ થઈ ગયો હોવાનું જણાવ્યું હતું. થોડી જ વારમાં વિસ્ફોટ થશે અને શાળા ઉડી જશે. કરાયેલા બે કોલમાં ફોન કરનારે પોતે ગુજરાતમાં હોવાનો દાવો કર્યો હતો. તમને જણાવી દઈએ કે અંબાણી પરિવાર સાથે જોડાયેલી સંસ્થાઓને ધમકી આપવાનો આ પહેલો મામલો નથી. અગાઉ કોકિલાબેન અંબાણી હોસ્પિટલને ઉડાવી દેવાની ધમકી પણ આપવામાં આવી હતી.