ગોધરા કાંડના 11 આરોપીઓને ફાંસી આપવા માંગ કરાશે : ગુજરાત સરકાર

સરકારે(Government) સોમવારે સુપ્રીમ (Supreme) કોર્ટને જણાવ્યું હતું કે તે 2002ના ગોધરા ટ્રેન (Train) સળગાવવાના કેસમાં 11 દોષિતોને મૃત્યુદંડની સજા માટે દબાણ કરશે, જેમની સજાને રાજ્યની ઉચ્ચ અદાલતે આજીવન કેદમાં ફેરવી હતી. 27 ફેબ્રુઆરી, 2002ના રોજ, ગુજરાતના ગોધરામાં ટ્રેનમાં આગ લાગવાની ઘટનામાં 59 લોકોના મોત થયા હતા, ત્યારબાદ રાજ્યમાં રમખાણો ફાટી નીકળ્યા હતા.

ચીફ જસ્ટિસ જસ્ટિસ ડી.વાય. ચંદ્રચુડ, જસ્ટિસ પી.એસ. નરસિમ્હા અને જસ્ટિસ જે.બી. પારડીવાલાની બેન્ચે આ કેસમાં અનેક આરોપીઓની જામીન અરજીઓ પર સુનાવણી માટે ત્રણ અઠવાડિયા પછી તારીખ નક્કી કરી હતી. તેણે બંને પક્ષોના વકીલોને એક એકીકૃત ચાર્ટ ફાઇલ કરવા જણાવ્યું હતું જેમાં તેઓને આપવામાં આવેલી વાસ્તવિક સજા અને તેઓએ અત્યાર સુધી જેલમાં વિતાવેલ સમયગાળો જેવી વિગતો દર્શાવી હતી.

સોલિસિટર જનરલ તુષાર મહેતાએ શું કહ્યું?

ગુજરાત સરકાર તરફથી હાજર રહેલા સોલિસિટર જનરલ તુષાર મહેતાએ જણાવ્યું હતું કે, “અમે તે દોષિતો માટે મૃત્યુદંડ માટે દબાણ કરીશું જેમની મૃત્યુદંડને આજીવન કેદમાં ફેરવવામાં આવી હતી. આ એક દુર્લભ કિસ્સો છે જેમાં મહિલાઓ અને બાળકો સહિત 59 લોકોને જીવતા સળગાવી દેવામાં આવ્યા હતા.તેમણે કહ્યું કે તે બધાને ખબર છે કે બોગીને બહારથી લોક કરવામાં આવી હતી અને મહિલાઓ અને બાળકો સહિત 59 લોકો માર્યા ગયા હતા.

ટ્રાયલ કોર્ટે ફાંસીની સજા ફટકારી હતી

વિગતો આપતા, કાયદા અધિકારીએ જણાવ્યું હતું કે ટ્રાયલ કોર્ટ દ્વારા 11 દોષિતોને મૃત્યુદંડની સજા સંભળાવવામાં આવી હતી અને અન્ય 20 લોકોને આ કેસમાં આજીવન કેદની સજા ફટકારવામાં આવી હતી. મહેતાએ જણાવ્યું હતું કે હાઈકોર્ટે આ કેસમાં કુલ 31 લોકોની સજાને યથાવત રાખી હતી અને 11 દોષિતોની ફાંસીની સજાને આજીવન કેદમાં ફેરવી હતી. મહેતાએ કહ્યું કે રાજ્ય સરકાર 11 દોષિતોની ફાંસીની સજાને આજીવન કેદમાં ફેરવવા સામે અપીલ લઈને આવી છે. તેમણે કહ્યું કે ઘણા આરોપીઓએ આ કેસમાં તેમની સજાને યથાવત રાખતા હાઈકોર્ટના નિર્ણય સામે અરજી કરી છે.