ગોવા પોલીસનો ભાજપનાં નેતાનાં મોત પર ખુલાસો

બીજેપી નેતા સોનાલી ફોગાટ મર્ડર કેસમાં મોટું અપડેટ સામે આવ્યું છે. ગોવા પોલીસે દાવો કર્યો છે કે સોનાલી ફોગાટના પીએ સુધીર સાંગવાને પોતાનો ગુનો કબૂલી લીધો છે. હકીકતમાં, ગોવા પોલીસે શુક્રવારે સોનાલી ફોગાટની હત્યાના સંબંધમાં સુખવિંદર સિંહ સાથે તેના અંગત સહાયક સુધીર સાંગવાનની ધરપકડ કરી હતી. શુક્રવારે પત્રકારોને સંબોધતા પોલીસ મહાનિરીક્ષક ઓમવીર સિંહ બિશ્નોઈએ કહ્યું કે સાંગવાને પોતાનો ગુનો કબૂલી લીધો છે. પોલીસ અધિકારીએ જણાવ્યું કે ગોવા પહોંચ્યા પછી, તે સુખવિંદર સાથે સોનાલી ફોગાટને પાર્ટીના બહાને ઉત્તર ગોવાના એક રેસ્ટોરન્ટમાં લઈ ગયો અને તેણે (સાંગવાન) પીવાના પાણીમાં ક ભેળવીને સોનાલીને પીવા દબાણ કર્યું હતું.

સોનાલીના હોટલના ફૂટેજ પણ મળ્યા જેમાં તે લથડતા પગે ચાલતી જોવા મળે છે, મોતના તમામ પાસાની તપાસ

આઈજી ઓમવીર સિંહ બિશ્નોઈએ આઈજી ઓમવીર સિંહ બિશ્નોઈએ જણાવ્યું કે સોનાલી ફોગાટ રેસ્ટોરન્ટમાં પાણી પીધા બાદ અસ્વસ્થ અને બીમાર અનુભવી રહી હતી. બાદમાં તેમને સાંગવાન અને સુખવિન્દર દ્વારા હોટેલમાં લઈ જવામાં આવ્યા, જ્યાં તેઓ રોકાયા હતા અને પછી સેન્ટ એન્ટોની હોસ્પિટલ, અંજુના, જ્યાં ફોગાટને મૃત જાહેર કરવામાં આવ્યા. પોલીસે જણાવ્યું હતું કે ફોગટના ભાઈ ચિંકુ ઢાકાએ ફરિયાદમાં આરોપ મૂક્યો હતો કે સોનાલી ફોગટની હત્યા તેના અંગત સહાયક સુધીર સાંગવાન દ્વારા સુખવિંદર સિંઘ સાથે મળીને તેની સંપત્તિ પર કબજો કરવા અને સોનાલીની રાજકીય કારકિર્દી ખતમ કરવાના ઈરાદાથી કરવામાં આવી હતી.

બિશ્નોઈએ કહ્યું કે આ મામલાની દરેક એંગલથી તપાસ કરવામાં આવશે. તેમણે કહ્યું કે તપાસ અધિકારીએ સંબંધિત પરિસરના સીસીટીવી ફૂટેજ તપાસ્યા અને જાણવા મળ્યું કે સુધીર સોનાલીને બળજબરીથી કંઈક પીવડાવી રહ્યો હતો. બિશ્નોઈએ જણાવ્યું હતું કે પોસ્ટમોર્ટમ રિપોર્ટમાં મૃત્યુનું – ચોક્કસ કારણ દર્શાવવામાં આવ્યું નથી અને તે વિસેરા, હિસ્ટોપેથોલોજીકલ અને સેરોલોજીકલ રાસાયણિક તપાસ પછી જ સ્પષ્ટ થશે, જેમાં થોડો સમય લાગશે. આઈજીએ કહ્યું કે સુખવિન્દર અને સાંગવાન બંનેની ધરપકડ કરવામાં આવી છે અને પુરાવાના નાશ અને સાક્ષીઓના પ્રભાવને ટાળવા માટે વધુ તપાસ ચાલુ છે.

Please follow and like us: