રાત્રે 2 વાગ્યે રણબીર કપૂરે કર્યું એવું કામ જેને લઈને આલિયા ભટ્ટ થઇ ગઈ ખુશ
![Ranbir Kapoor did something at 2 am which made Alia Bhatt happy](https://imaginesurat.com/wp-content/uploads/2023/02/alia-ranbeer-1024x576.jpeg)
Ranbir Kapoor did something at 2 am which made Alia Bhatt happy
બોલિવૂડ(Bollwood) અભિનેત્રી આલિયા(Alia) ભટ્ટ પોતાનું જીવન ખુલ્લેઆમ જીવે છે. તે તેના જીવનની દરેક ક્ષણને માણવામાં માને છે. પોતાના અંગત જીવનની સાથે સાથે, અભિનેત્રી તેના વ્યાવસાયિક જીવનમાં પણ શાનદાર કામ કરી રહી છે. હાલમાં જ તેની સુપરહિટ ફિલ્મ ‘ગંગુબાઈ’ને એક વર્ષ પૂર્ણ થયું છે. આ ફિલ્મે આલિયાના કરિયરને એક નવો માઈલસ્ટોન બનાવી દીધો છે. સંજય લીલા ભણસાલીએ આ ફિલ્મ દ્વારા આલિયાના અભિનયને નિખાર્યો છે.
આલિયાએ હાલમાં જ ફિલ્મના એક વર્ષ પૂર્ણ થવા પર ફિલ્મના ડિરેક્ટર સંજય લાલા ભણસાલી સાથેની એક તસવીર શેર કરી હતી. આ તસવીરમાં તે SLB સાથે ઉભી જોવા મળી હતી. હવે આ દરમિયાન ગત સાંજે આલિયાને બેસ્ટ એક્ટર ઈન ફીમેલનો એવોર્ડ મળ્યો છે. આલિયાને આ એવોર્ડ તેની ફિલ્મ ગંગુબાઈ માટે મળ્યો હતો. ઝી સિને એવોર્ડ મળ્યા બાદ આલિયા એટલી ખુશ નહોતી જેટલી રણબીરે તેને ખુશ કરી હતી.
વાસ્તવમાં આલિયાએ તેની ઈન્સ્ટા સ્ટોરીમાં એક તસવીર શેર કરી છે. આ તસ્વીરમાં આલિયા તેના એવોર્ડને ફ્લોન્ટ કરતી જોવા મળી રહી છે. પરંતુ આ તસવીર ખાસ છે કારણ કે તેને રણબીર કપૂરે ક્લિક કરી હતી. આ પોસ્ટને શેર કરતા આલિયાએ કેપ્શનમાં લખ્યું છે કે, મારા પતિ માટે ખાસ ઉલ્લેખ, જે ખૂબ જ શાંતિથી રાત્રે 2 વાગ્યે મારો ફોટો ક્લિક કરી રહ્યા છે. આ સિવાય આલિયાએ તસવીરની ટોચ પર લખ્યું છે, ગંગુ લવ, આ સન્માન માટે આભાર. આ સિવાય સંજય લીલા ભણસાલીને ટેગ કરતાં તેણે લખ્યું કે, સર, હું તમારો કેટલો આભારી છું તે કહેવા માટે મારી પાસે શબ્દો નથી.
આ ઈવેન્ટમાં આલિયા ખૂબ જ સુંદર લાગી રહી હતી. માતા બન્યા બાદ અભિનેત્રીએ પોતાની જાતને ખૂબ જ ઝડપથી ફિટ કરી લીધી છે. આલિયા પ્રેગ્નન્સી ફેટ ઘટાડવા માટે ઘણું વર્કઆઉટ કરી રહી છે. અભિનેત્રી ખૂબ જ ફિટ થઈ ગઈ છે અને તેની મહેનત જોઈને એવું કહેવું ખોટું નહીં હોય કે તે ફરીથી પહેલા જેવી ફિટ થઈ જશે.