મનીષ સિસોદિયાએ CBI હેડક્વાર્ટરમાં વિતાવી રાત, આજે કોર્ટમાં થશે રજૂ
Manish Sisodia spent the night at CBI headquarters, will appear in court today
દિલ્હીના(Delhi) ડેપ્યુટી સીએમ મનીષ સિસોદિયાની (Manish Sisodiya) સીબીઆઈ દ્વારા ગઈકાલે એટલે કે રવિવારે એક્સાઈઝ કૌભાંડ કેસમાં દારૂના કૌભાંડના સંબંધમાં ધરપકડ કરવામાં આવી હતી. સીબીઆઈએ આરોપ લગાવ્યો છે કે મનીષ સિસોદિયાએ દારૂ કૌભાંડમાં ગુનાહિત કાવતરું ઘડ્યું હતું અને પુરાવાનો નાશ કરવાનો પ્રયાસ કર્યો હતો. તેની ધરપકડ કરીને સીબીઆઈ હેડક્વાર્ટરમાં રાખવામાં આવ્યા છે. અહીં તબીબોની ટીમ બોલાવવામાં આવી હતી અને તેમનું મેડિકલ ચેકઅપ પણ કરવામાં આવ્યું હતું. મનીષ સિસોદિયાએ CBI હેડક્વાર્ટરમાં રાત વિતાવી હતી. આજે CBI મનીષ સિસોદિયાને રાઉઝ એવન્યુ કોર્ટમાં રજૂ કરશે.
AAPએ ધરપકડ માટે ભાજપને જવાબદાર ગણાવ્યું છે
આમ આદમી પાર્ટીએ આ ધરપકડ માટે ભાજપને જવાબદાર ગણાવ્યું છે. આમ આદમી પાર્ટીએ ટ્વીટ કરીને કહ્યું કે આ લોકશાહી માટે કાળો દિવસ છે. લાખો બાળકોનું ભવિષ્ય ઘડનારા વિશ્વના શ્રેષ્ઠ શિક્ષણ મંત્રીની નકલી કેસમાં ભાજપે ધરપકડ કરી છે. અરવિંદ કેજરીવાલે કહ્યું કે કેન્દ્ર શરીફ લોકોને ફસાવી રહ્યા છે, તેમના પર કાર્યવાહી કરી રહ્યા છે, જ્યારે ભાજપ કૌભાંડ કરનારાઓને સુરક્ષા આપી રહી છે.
આમ આદમી પાર્ટી આજે દેશભરમાં પ્રદર્શન કરશે
આમ આદમી પાર્ટીના પ્રવક્તા સૌરભ ભારદ્વાજે જણાવ્યું કે આ આમ આદમી પાર્ટીને કચડી નાખવાનો પ્રયાસ છે. તેની સ્ક્રિપ્ટ બીજેપી હેડક્વાર્ટરમાં લખવામાં આવી હતી અને તપાસ એજન્સીઓ ભાજપના એક યુનિટ તરીકે કામ કરી રહી છે.દિલ્હીના ડેપ્યુટી સીએમ મનીષ સિસોદિયાની ધરપકડના વિરોધમાં આમ આદમી પાર્ટી આજે દેશભરમાં વિરોધ પ્રદર્શન કરશે. આજે આમ આદમી પાર્ટી પણ દિલ્હીમાં બીજેપી હેડક્વાર્ટર ખાતે વિરોધ પ્રદર્શન કરશે. આ પ્રદર્શન બપોરે 12 વાગ્યે થશે.
