સુરતના આ ઝોનના લોકો ગુરુવારે કરી રાખે પાણીનો સંગ્રહ : કોર્પોરેશને જાહેર કર્યો છે પાણી કાપ
People of this zone of Surat should collect water on Thursday: Corporation has announced water cut
સુરત મહાનગરપાલિકાના (SMC) હાઇડ્રોલિક વિભાગ દ્વારા ગુરુવારે વાલક અને ડિંડોલી(Dindoli) વચ્ચે લીક થતી મુખ્ય પાણીની લાઇનનું સમારકામ કરવામાં આવશે, જેના કારણે વરાછા ઝોન-એ, વરાછા ઝોન-બી, લિંબાયત અને ઉધના ઝોનમાં પાણી કાપ આવશે. હાઇડ્રોલિક વિભાગના સૂત્રોએ જણાવ્યું હતું કે, આ જોડાણો વચ્ચે લીકેજના કારણે વાલકથી ડીંડોલી સુધી પાણી પુરવઠા દ્વારા ટાંકીઓ ભરવાની પ્રક્રિયા અટવાઇ છે.
પુના, સીમાડ, પર્વત. ગુરુવારે ગોડાદરા, ડીંડોલી ઉન, ગભેણીમાં પાણી કાપ
મુખ્ય પાણીની લાઇનમાં લીકેજની સ્થિતિ અંગે તપાસ કરવામાં આવી હતી. જો પાણીની મુખ્ય લાઇનનું સમારકામ કરવામાં આવી રહ્યું હોય, તો આખી લાઇન ખાલી હોઇ શકે છે અને વધુ પુરવઠો પહોંચની બહાર હોઇ શકે છે. પાલિકાના સૂત્રોએ જણાવ્યું હતું કે અગાઉ 30મી જાન્યુઆરીને સોમવારે આ કાર્યવાહી કરવાનું નક્કી કરાયું હતું. પરંતુ હવે આગામી ગુરુવાર, 2 ફેબ્રુઆરીએ ઈમરજન્સી નોટિસ જારી કરવા અને લોકોને પૂરતું પાણી સંગ્રહ કરવાની તક આપવા માટે યોજાશે.
આ વિસ્તારો પાણી કાપથી પ્રભાવિત થશે
વરાછા ઝોન-એમાં મગોબ, પુણેમાં માતૃશક્તિ, નંદનવન, હસ્તિનાપુર, કિરણપાર્ક, શાંતિ નિકેતન, મુક્તિધામ, ભૈયાનગર, સીતા નગર સોસાયટી
વરાછા ઝોન-બીમાં લક્ષ્મીનગર, આદર્શનગર, યોગીચોક, વીટીનગર, આનંદપાર્ક, શાંતિવન, પુરુષોત્તમનગર, સીમાડા, સરથાણા અને સી.એચ.પાર્ક.
લિંબાયત ઝોનમાં ગોડાદરા, પરવત, ડીંડોલી ગામ
ઉધના ઝોનમાં તિરુપતિ નગર, બાલાજી ટાઉનશીપ, ગભેની ગામ
