આજે રજૂ થશે સુરત કોર્પોરેશનનું બજેટ : પ્રોપર્ટી ટેક્સ અને યુઝર ચાર્જમાં થઇ શકે છે વધારો
Budget of Surat Corporation will be presented today: Property tax and user charges may increase
મ્યુનિસિપલ કમિશનર(SMC) શાલિની અગ્રવાલ મંગળવારે નાણાકીય વર્ષ 2023-24નું બજેટ (Budget) રજૂ કરશે. આ વખતે બજેટનો આંકડો સાડા સાત હજાર કરોડને પાર કરી શકે છે. બજેટમાં પોતાની આવક વધારવા માટે મહાનગરપાલિકા આ વખતે પ્રોપર્ટી ટેક્સ અને યુઝર ચાર્જમાં વધારો કરી શકે છે. આ સાથે નાણાકીય વર્ષ 2022-23નું સંશોધિત બજેટ પણ રજૂ કરવામાં આવશે.
છેલ્લા ઘણા દિવસોથી બજેટને લઈને મહાનગરપાલિકામાં બેઠકોનો દોર ચાલી રહ્યો હતો. વિવિધ વિભાગો અને ઝોનના અધિકારીઓ સાથેની બેઠક બાદ ડ્રાફ્ટ બજેટ તૈયાર કરવામાં આવ્યું છે. મ્યુનિસિપલ કમિશનર શાલિની અગ્રવાલ મંગળવારે સવારે 10.30 કલાકે સાયન્સ સેન્ટર ખાતે ડ્રાફ્ટ બજેટ રજૂ કરશે.
એવું કહેવામાં આવી રહ્યું છે કે બજેટમાં પ્રાથમિક સુવિધાઓની સાથે જૂના અને પેન્ડિંગ પ્રોજેક્ટ પર ફોકસ રાખવામાં આવ્યું છે. મહાનગરપાલિકાની આવક વધારવા પ્રોપર્ટી ટેક્સ અને યુઝર ચાર્જીસ વધારી શકાય છે. આ ઉપરાંત સરહદ વિસ્તરણ બાદ શહેરમાં સમાવિષ્ટ વિસ્તારોમાં નવા આરોગ્ય કેન્દ્રો, શાળાઓ અને અન્ય પ્રાથમિક સુવિધાઓ અને મસ્કતી હોસ્પિટલના અપગ્રેડેશન જેવા પ્રોજેક્ટ પર ભાર મુકવામાં આવી શકે છે.
