પટના જંક્શનની ડઝનેક ટીવી પર ત્રણ મિનિટ સુધી ચાલી અશ્લીલ ફિલ્મ : મુસાફરો મુકાયા શરમમાં

પટના જંકશનના(Patna Junction) પ્લેટફોર્મ પર ડઝનેક ટીવી(TV) સ્ક્રીન પર અચાનક અશ્લીલ ફિલ્મો ચલાવવાનું શરૂ થતાં મુસાફરો શરમમાં મુકાઈ ગયા હતા. પ્લેટફોર્મ પર મહિલાઓ અને કેટલાક લોકો તેમના બાળકો સાથે મુસાફરી કરવા માટે ટ્રેનની રાહ જોઈ રહ્યા હતા, પરંતુ અચાનક આ ઘટના બની. મુસાફરો રોષે ભરાયા હતા. આ અંગે ફરિયાદ કરવામાં આવી હતી. આરપીએફએ તાત્કાલિક ફોન કરીને સંબંધિત એજન્સીને તેને બંધ કરાવવા જણાવ્યું હતું. આ મામલે રેલવે અધિકારીએ મોટી કાર્યવાહી કરી છે.

 

पटना जंक्शन पर लगी टीवी स्क्रीन पर अचानक चलने लग गई Porn film, एजेंसी के खिलाफ FIR दर्ज.#Patna #Bihar pic.twitter.com/QRYTiRVdwM

— Versha Singh (@Vershasingh26) March 20, 2023

આ ફિલ્મ લગભગ ત્રણ મિનિટ સુધી ચાલી હતી

આ અંગે જે માહિતી સામે આવી છે તે મુજબ એવું કહેવામાં આવી રહ્યું છે કે લગભગ ત્રણ મિનિટ સુધી અશ્લીલ ફિલ્મ ચાલતી રહી. ખબર નહીં જો ફરિયાદ ન થઈ હોત તો શું થાત. આ સમગ્ર મામલે RPF પોસ્ટમાં જાહેરાત એજન્સી વિરુદ્ધ FIR નોંધવામાં આવી છે. ડીઆરએમ પ્રભાત કુમારે એજન્સીને દંડ ફટકાર્યો છે. બ્લેક લિસ્ટ કરવાની સૂચના પણ આપવામાં આવી છે. એટલું જ નહીં, પણ કરારને સમાપ્ત કરવાનો નિર્દેશ આપ્યો.

આ પહેલા પણ થયું છે

તમને જણાવી દઈએ કે પટના જંક્શનના લગભગ તમામ પ્લેટફોર્મ પર ડઝનેક ટીવી સ્ક્રીન લગાવવામાં આવી છે જેથી મુસાફરોને ટ્રેનની માહિતી આપી શકાય. જો કે રવિવારે આ ઘટના પહેલીવાર નથી બની. આ પહેલા પણ આવી ઘટના સામે આવી છે. તે સમયે અધિકારીઓને પાછળથી ખબર પડી હતી. આ વખતે રેલવે દ્વારા જાણ થતાં જ કાર્યવાહી કરવામાં આવી છે.

આ સમગ્ર મામલે કેટલાક અધિકારીઓ આ ઘટનાને પ્લેટફોર્મ નંબર 1 પર સવારે 9.56 થી 9.59 દરમિયાન જ જણાવી રહ્યા છે, જ્યારે કેટલાક મુસાફરો પ્લેટફોર્મ નંબર એક પર આવી ઘટનાની વાત પણ કરી રહ્યા છે. હવે કહેવામાં આવી રહ્યું છે કે આ મામલે એજન્સીના દોષિત કર્મચારીઓ સામે કાર્યવાહી કરવામાં આવશે. એજન્સી માલિક સામે પણ કાર્યવાહી કરવામાં આવશે.