નિર્મલા સિતારમણ આજે રજૂ કરશે બજેટ : આ હશે શિડ્યુલ
Nirmala Sitharaman will present the budget today: This will be the schedule
કેન્દ્રીય નાણાં(Finance) પ્રધાન નિર્મલા સીતારમણ આજે સવારે 11 વાગ્યાથી નાણાકીય વર્ષ 2023-24 માટે સંસદમાં દેશનું (India) સામાન્ય બજેટ રજૂ કરશે. મોદી સરકારના બીજા કાર્યકાળનું આ 5મું બજેટ છે. આવતા વર્ષે લોકસભા ચૂંટણી પહેલા મોદી સરકારનું આ છેલ્લું પૂર્ણ બજેટ પણ હશે. છેલ્લા બે વર્ષના સામાન્ય બજેટની જેમ આ બજેટ પણ પેપરલેસ હશે. આ બજેટમાં દેશના આર્થિક વિકાસ અને અર્થવ્યવસ્થાને લગતા વિવિધ નિર્ણયો લેવામાં આવશે.
સંપૂર્ણ બજેટ શેડ્યૂલ
8:40 am: નાણાં પ્રધાન નિર્મલા સીતારમણ તેમના સત્તાવાર નિવાસસ્થાનમાંથી બહાર આવશે. નોર્થ બ્લોક સ્થિત નાણા મંત્રાલયની ઓફિસમાં જશે.
સવારે 9 વાગ્યે: નાણામંત્રી સીતારમણ સવારે 9 વાગ્યે નાણા મંત્રાલયના ગેટ નંબર 2 માંથી બહાર આવશે. નાણા મંત્રાલયના અધિકારીઓ અને નાણામંત્રીનું ફોટો સેશન થશે.
સવારે 9:25: નાણામંત્રી નિર્મલા સીતારમણ બજેટ પર રાષ્ટ્રપતિની મંજૂરી લેવા રાષ્ટ્રપતિ ભવન જશે. આ દરમિયાન રાષ્ટ્રપતિ મુર્મુ બજેટને ઔપચારિક મંજૂરી આપશે.
10 am: રાષ્ટ્રપતિ દ્રૌપદી મુર્મુ પાસેથી મંજૂરી લીધા પછી, નાણામંત્રી નિર્મલા સીતારમણ બજેટ સાથે સંસદમાં પહોંચશે.
10:10 am: સંસદમાં પહોંચ્યા પછી, નાણાં પ્રધાન નિર્મલા સીતારમણ કેબિનેટ સાથે બેઠક કરશે. જેમાં બજેટ માટે કેબિનેટ પાસેથી સત્તાવાર મંજુરી લેવામાં આવશે.
11 am: નાણામંત્રી સંસદમાં સામાન્ય બજેટ રજૂ કરશે અને તેના વિશે બોલવાનું શરૂ કરશે.
બપોરે 3 વાગ્યે: સંસદમાં બજેટ રજૂ કર્યા પછી, નાણા પ્રધાન નિર્મલા સીતારમણ પ્રેસ કોન્ફરન્સ કરશે અને બજેટની જાહેરાતો પર મુખ્ય મુદ્દાઓ જણાવશે.
