ગીર સોમનાથમાં માનવભક્ષી બન્યો દીપડો : 2 વર્ષના બાળકને બનાવ્યો શિકાર

ગુજરાતના(Gujarat) ગીર સોમનાથ જિલ્લામાં એક હૃદયદ્રાવક ઘટના સામે આવી છે. જિલ્લાના મતનાપુર ગામમાં દીપડાએ બે વર્ષના માસૂમને પોતાનો શિકાર બનાવ્યો હતો. સોમવારે રાત્રે બાળક ઘરની બહાર રમી રહ્યો હતો. ત્યારે દીપડો તેની પાસે આવ્યો અને બાળકને લઈ ગયો. દીપડાના કારણે બાળકના મોતની પુષ્ટિ વન વિભાગના અધિકારીઓએ મંગળવારે કરી છે.

આ ઘટના અંગે વધુ માહિતી આપતા વન વિભાગના અધિકારી ખીમાન પંપાણિયાએ જણાવ્યું કે બાળકના પિતાનું નામ રમેશ જાધવ છે. દીપડો બાળકને ઘસડીને જંગલ તરફ લઈ ગયો. પરિવારજનો અને સ્થાનિક લોકોને આ વાતની જાણ થતાં જ તેઓ જંગલમાં ગયા અને તપાસ કરી. બાળકનો મૃતદેહ ઘરથી 500 મીટરના અંતરે ઝાડીઓમાંથી મળી આવ્યો હતો.

દીપડાએ અત્યાર સુધીમાં 6 લોકો પર હુમલો કર્યો છે

વન વિભાગના અધિકારી પંપાણિયાએ જણાવ્યું હતું કે ગ્રામજનોના જણાવ્યા અનુસાર આ વિસ્તારમાં લગભગ 3-4 દીપડાઓ છે. તેમને પકડવાના પ્રયાસો ચાલુ છે. અગાઉ એક દીપડાએ વૃદ્ધાને પોતાનો શિકાર બનાવ્યો હતો. છેલ્લા કેટલાક મહિનામાં આ ગામમાં દીપડાએ અત્યાર સુધીમાં 6 લોકોના જીવ લીધા છે. દીપડાના હુમલાથી ગામના લોકો ખૂબ જ ડરી ગયા છે.