ISRO એ સફળતાપૂર્વક રીયુઝેબલ લોન્ચ વ્હીકલનું લેન્ડિંગ મિશન પર પાડ્યું

ઈન્ડિયન સ્પેસ રિસર્ચ ઓર્ગેનાઈઝેશને(ISRO) રિયુઝેબલ લોન્ચ વ્હીકલ ઓટોનોમસ લેન્ડિંગ મિશન સફળતાપૂર્વક લોન્ચ કર્યું છે. આ મિશન કર્ણાટકના ચિત્રદુર્ગમાં એરોનોટિકલ ટેસ્ટ રેન્જથી હાથ ધરવામાં આવ્યું હતું. આ પ્રક્ષેપણમાં ઈસરોની સાથે ડીઆરડીઓ અને ભારતીય વાયુસેનાએ પણ ભાગ લીધો હતો. ત્રણેયના સંયુક્ત પ્રયાસોથી આ મિશન સફળતાપૂર્વક શરૂ કરવામાં આવ્યું છે.

ભારતીય વાયુસેનાના ચિનૂક હેલિકોપ્ટરે આજે સવારે 7.10 વાગ્યે ઈન્ટરસ્લગ લોડ તરીકે ઉડાન ભરી હતી. આ હેલિકોપ્ટરે લગભગ 4.5 કિમીની ઊંચાઈએ ઉડાન ભરી હતી. જે બાદ આરવીને 4.6 કિમીની ડાઉન રેન્જમાં છોડવામાં આવી હતી. તમને જણાવી દઈએ કે આ મિશન સાત વર્ષ પહેલા 2016માં શરૂ કરવામાં આવ્યું હતું. ખૂબ જ ઓછા ખર્ચે વધુ સારી ટેક્નોલોજી સાથે તેનો ઉપયોગ કરી શકાય છે.

 

Congratulations to @isro @DRDO_India and @IAF_MCC for successfully conducting the Reusable Launch Vehicle Autonomous Landing Mission (RLV LEX) from Aeronautical Test Range.#ISRO pic.twitter.com/A8EaCb0SUC

— MyGovIndia (@mygovindia) April 2, 2023

ઈસરોના વડા સોમનાથે કહ્યું હતું કે આવનારા દિવસોમાં સ્પેસ મિશનને મોટી સફળતા મળશે. RLV-TD Hex-01 મિશન 2016માં લોન્ચ કરવામાં આવ્યું હતું. જ્યારે RLV LEX 2019 માં લોન્ચ કરવામાં આવી હતી. તે સંપૂર્ણપણે સ્વદેશી છે. આ મિશનની સફળતા યુદ્ધની રીતને ધરમૂળથી બદલી નાખશે. ઈસરોએ 2030 સુધીમાં આ પ્રોજેક્ટને સફળ બનાવવાનું લક્ષ્ય રાખ્યું છે.

ચિનૂક હેલિકોપ્ટરે સવારે 7.10 વાગ્યે ઉડાન ભરી હતી. આ પછી આરએલવી આપોઆપ બહાર પડ્યું. બાદમાં, ઈન્ટીગ્રેટેડ નેવિગેશન અને ગાઈડન્સ એન્ડ કંટ્રોલ સિસ્ટમની મદદથી, RLVને 7.40 વાગ્યે સફળતાપૂર્વક લેન્ડ કરવામાં આવ્યું હતું. આ સાથે ઈસરોએ પોતાના દમ પર અવકાશ વાહનને સફળતાપૂર્વક લેન્ડ કરવામાં સફળતા મેળવી.