ત્રણ દિવસમાં અદાણી ગ્રુપના રોકાણકારોને એક લાખ કરોડથી પણ વધુનો ફાયદો !
In three days, Adani Group investors benefited more than one lakh crore!
ગુરુવારે સતત ત્રીજા દિવસે અદાણી(Adani) ગ્રૂપના શેરમાં વધારો ચાલુ રહ્યો હતો. તેની પાછળના ઘણા કારણો પૈકી એક સુપ્રીમ કોર્ટનો નિર્ણય છે જેમાં દેશના રોકાણકારોની સુરક્ષા માટે એક સમિતિની રચના કરવાનું કહેવામાં આવ્યું છે. વાસ્તવમાં, હિંડનબર્ગના અહેવાલ પછી, અદાણી જૂથના શેરમાં સતત ઘટાડો જોવા મળ્યો, જેના કારણે રોકાણકારોને 12 લાખ કરોડ રૂપિયાથી વધુનું નુકસાન થયું. જો કે, 28 ફેબ્રુઆરીથી 2 માર્ચ સુધી એટલે કે 3 કામકાજના દિવસોમાં અદાણી ગ્રુપના માર્કેટ કેપમાં એક લાખ કરોડ રૂપિયાથી વધુનો વધારો થયો છે.
ગુરુવારે ગ્રૂપની તમામ 10 લિસ્ટેડ કંપનીઓના શેરમાં વધારો જોવા મળ્યો હતો. તેનું એક કારણ બલ્ક ડીલ પણ છે જેમાં અદાણી પરિવારે ચાર કંપનીઓના 17 કરોડથી વધુ શેર અમેરિકન બેસ્ટ ઇન્વેસ્ટમેન્ટ કંપનીને રૂ. 15,500 કરોડમાં વેચ્યા છે. અદાણી ગ્રુપના એકમ એસબી અદાણી ફેમિલી ટ્રસ્ટે યુએસ સ્થિત ઇન્વેસ્ટમેન્ટ ફંડ જીક્યુજી પાર્ટનર્સને શેર વેચ્યા હતા.
ત્રણ દિવસમાં એક લાખ કરોડ રૂપિયાથી વધુનો વધારો
ETના રિપોર્ટ અનુસાર, ગુરુવારે અદાણી ગ્રુપના માર્કેટ કેપમાં રૂ. 30 હજાર કરોડથી વધુનો વધારો જોવા મળ્યો છે. આ સતત ત્રીજી વખત છે જ્યારે અદાણી ગ્રુપના માર્કેટ કેપમાં વધારો જોવા મળ્યો છે. 28 ફેબ્રુઆરી અને 1 માર્ચ બંને દિવસે ગ્રુપના માર્કેટ કેપમાં 74 હજાર કરોડ રૂપિયાનો વધારો જોવા મળ્યો હતો. મતલબ કે ત્રણ ટ્રેડિંગ દિવસોમાં અદાણી ગ્રુપના માર્કેટ કેપમાં એક લાખ કરોડ રૂપિયાથી વધુનો વધારો જોવા મળ્યો છે.
