મુસ્લિમ દીકરીઓને ફસાવો, નોકરી અને સુરક્ષા અમે આપીશું : શ્રી રામ સેનાના પ્રમુખનું વિવાદિત નિવેદન
Entrap Muslim daughters, we will provide jobs and security: Shri Ram Sena president's controversial statement
શ્રી રામ સેનાના પ્રમુખ પ્રમોદ મુથાલિકે લવ જેહાદનો(Love Jehad) સામનો કરવા માટે યુવતીઓને ફસાવવા માટે યુવાનોને ખુલ્લું આમંત્રણ આપ્યું છે. આ માટે તેમણે યુવાનોને નોકરી અને સુરક્ષાની ખાતરી આપવાનું પણ વચન આપ્યું છે.
કર્ણાટકના બાગલકોટ કોટમાં એક કાર્યક્રમ દરમિયાન પ્રમોદ મુથાલિકે કહ્યું, ‘આજે પણ સ્થિતિ એવી જ છે, લવ જેહાદમાં અમારી છોકરીઓનું શોષણ થાય છે. દેશભરમાં હજારો છોકરીઓને પ્રેમના નામે છેતરવામાં આવે છે.
તેમણે કહ્યું, ‘આપણે તેમને ચેતવણી આપવી જોઈએ, મઅમે પણ જાણીએ છીએ કે છોકરીઓને કેવી રીતે આકર્ષિત કરવી, હું અહીંના યુવાનોને આમંત્રિત કરવા માંગુ છું. જો આપણે એક હિંદુ છોકરી ગુમાવીએ તો દસ મુસ્લિમ છોકરીઓને ફસાવીએ, જો તમે આમ કરશો તો શ્રી રામસેના તમારી જવાબદારી લેશે અને તમામ પ્રકારની સુરક્ષા અને રોજગાર આપશે.
પ્રમોદ મુથાલિક વિવાદાસ્પદ નિવેદનો માટે જાણીતા છે
જણાવી દઈએ કે શ્રી રામ સેનાના પ્રમુખ પ્રમોદ મુથાલિક તેમના વિવાદાસ્પદ નિવેદનો માટે જાણીતા છે. ગયા વર્ષે તેણે કહ્યું હતું કે જો કોઈ વીર સાવરકરના પોસ્ટરને સ્પર્શ કરશે તો તેના હાથ કાપી નાખવામાં આવશે. તેમણે કોંગ્રેસ અને મુસ્લિમોને આ ધમકી આપી હતી.
વાસ્તવમાં કર્ણાટકમાં ગણેશ ચતુર્થીના અવસર પર વીર સાવરકરના પોસ્ટરને લઈને વિવાદ થયો હતો. પ્રમોદ મુથાલિકે કહ્યું હતું કે સાવરકર મુસ્લિમો સામે લડ્યા ન હતા. તેઓ સ્વતંત્રતા સેનાની હતા અને અંગ્રેજો સામે લડ્યા હતા. જો મુસ્લિમ કે કોંગ્રેસમાંથી કોઈ તેમના પોસ્ટરને સ્પર્શ કરશે તો તેમના હાથ કાપી નાખવામાં આવશે.
