દર મંગળવારે હનુમાનજીને રીઝવવા આ કરો ઉપાય : દાદાની કૃપાથી થશે દરેક મનોકામના પૂર્ણ

હિંદુ ધર્મમાં, દરેક દિવસને કોઈને કોઈ દેવ અથવા બીજા માટે વિશેષ રીતે પૂજનીય માનવામાં આવે છે. માનવામાં આવે છે કે આ દિવસે કેટલાક ઉપાય કરવાથી જીવનના દુ:ખ અને શારીરિક કષ્ટો દૂર થાય છે. મંગળવાર માટેના કેટલાક ઉપાયોનો  ઉલ્લેખ જ્યોતિષશાસ્ત્રમાં કરવામાં આવ્યો છે. મંગળવાર રામભક્ત હનુમાનને સમર્પિત દિવસ છે. એવું કહેવાય છે કે આ દિવસે ઉપવાસ અને કેટલાક ઉપાય કરવાથી  ભગવાન હનુમાન પ્રસન્ન થાય છે અને તેમના આશીર્વાદ આપે છે. એવી ધાર્મિક માન્યતા છે કે કલયુગમાં હનુમાનજી અમર છે અને તેમની કૃપાથી વ્યક્તિની મનોકામનાઓ પૂર્ણ થાય છે. આવો જાણીએ કે મંગળવારે કયા ઉપાય કરવા જોઈએ.

1. મંગળવારે સવારે સ્નાન કર્યા પછી કોઈપણ હનુમાન મંદિરમાં જાવ. ત્યાં હનુમાનજીને દીવો, ફૂલ, માળા અને લાડુ-પાન અર્પણ કરો. ત્યારબાદ ત્યાં બેસીને 108 વાર હનુમાન ચાલીસાનો પાઠ કરો. આ પછી તમારી પરેશાનીઓ દૂર કરવા માટે બજરંગ બલીને પ્રાર્થના કરો. આ ઉપાય દર મંગળવાર અને શનિવારે કરવો જોઈએ. આ ઉપાય કરવાથી કુંડળીના તમામ ગ્રહો શુભ ફળ આપવા લાગે છે.
2. મંગળવારે, સવારે અથવા બપોરે, એવી જગ્યાએ જાઓ જ્યાં વાંદરાઓની સંખ્યા ઘણી હોય. તેમને ગોળ, કેળા, ચણા, મગફળી વગેરે ખોરાક આપો. બની શકે તો ગરીબોને ભોજન કરાવો. આ પછી તમે તમારું કામ શરૂ કરો. તમારી પાસે પૈસા જલ્દી આવવા લાગશે. યાદ રાખો આ ઉપાય સૂર્યાસ્ત પછી ન કરવો જોઈએ. અન્ન હંમેશા ગરીબને દાનમાં આપી શકાય છે, પરંતુ તેને ભોજન માટે પૈસા ન આપો, ફક્ત તેને ખવડાવો.
3. જો કુંડળીમાં શનિની મહાદશા ચાલી રહી હોય અથવા લાભકારી ગ્રહો પર શનિની દષ્ટિના કારણે અશુભ પ્રભાવ હોય તો મંગળવારે 108 તુલસીના પાન પીળા ચંદનથી રામના નામ પર લખવા જોઈએ. ત્યારપછી આ પાંદડાની માળા બનાવીને હનુમાનજીને અર્પણ કરો. તેનાથી શનિ, મંગળ અને રાહુ સંબંધિત તમામ દોષો તરત જ દૂર થઈ જાય છે. જે આ ઉપાય કરે છે તેને કોઈપણ પ્રકારની પરેશાનીનો સામનો કરવો પડતો નથી.

(ઉપરોક્ત માહિતી ઉપલબ્ધ સ્ત્રોતોમાંથી આપવામાં આવી છે. અમે તેના તથ્યો વિશે કોઈ દાવા કરતા નથી કે અમે અંધશ્રદ્ધાને સમર્થન આપતા નથી)

Please follow and like us: