વડોદરામાં મહિલાની છેડતી કરનાર બસ કંડકટરને મહિલાઓએ જ મળીને ચખાડ્યો મેથીપાક

વડોદરામાં(Vadodara) બસ કંડક્ટર પર મહિલાની (Lady) છેડતીનો આરોપ લાગ્યો છે. મહિલાઓની છેડતી કરનાર બસ કંડક્ટરને માર મારતો વીડિયો પણ સોશિયલ મીડિયા પર વાયરલ થઈ રહ્યો છે. વીડિયોમાં સ્પષ્ટ જોઈ શકાય છે કે કેટલીક મહિલાઓ બસ કંડક્ટરને માર મારી રહી છે અને કેટલાક અન્ય મુસાફરો પણ ત્યાં ઉભા છે. વીડિયોમાં બસમાં સવાર એક મુસાફર પણ પોલીસને ઘટનાની જાણ કરવા કહેતો જોવા મળે છે.

મળતી માહિતી મુજબ, વડોદરાના પાથરાથી જંબુસર જતી બસના કંડક્ટર પર મહિલાઓની છેડતીનો આરોપ લાગ્યો છે. મહિલાઓનું કહેવું છે કે આ કંડક્ટર છેલ્લા ઘણા દિવસોથી તેમની છેડતી કરી રહ્યો છે. તે દરરોજ મહિલાઓને પરેશાન કરતો રહે છે. આ વખતે ગુસ્સે ભરાયેલી મહિલાઓ કંડક્ટરનું વર્તન સહન ન કરી શકી અને તેને પકડીને માર મારવા લાગી હતી.

Bus conductor thrashed for harassing women passengers , #Vadodara . #Gujarat #Tv9News pic.twitter.com/GB6SQy8p1H

— Tv9 Gujarati (@tv9gujarati) March 15, 2023

બસમાં સવાર અન્ય મુસાફરોની ફરિયાદના આધારે પોલીસે ઘટનાસ્થળે પહોંચી મામલો સમજ્યો હતો. લોકોની ફરિયાદના આધારે પોલીસે બસ કંડક્ટરની ધરપકડ કરી છે. જણાવવામાં આવી રહ્યું છે કે આરોપ લગાવનાર મહિલા ઘણા દિવસો સુધી આ બસમાંથી ચડતી-ઉતરતી હતી. બસ કંડક્ટર છેલ્લા કેટલાક સમયથી તેની છેડતી કરી રહ્યો હતો.

આ વખતે મહિલાએ તે બસ કંડક્ટરને પાઠ ભણાવવાનું વિચાર્યું અને આ વખતે તેણે તેની છેડતી કરવા બદલ તેને માર માર્યો. આ ઘટનાનો વીડિયો સોશિયલ મીડિયા પર વાયરલ થયો હતો અને ઘટના બાદ પોલીસે કંડક્ટરની ધરપકડ કરી હતી. હાલ આરોપી કંડક્ટર વડુ પાદરા પોલીસ કસ્ટડીમાં છે.

ગુજરાતમાં મહિલાઓ સામેના ગુનામાં ઘટાડો થયો છે

નેશનલ ક્રાઈમ રેકોર્ડ બ્યુરો (NCRB) અનુસાર, વર્ષ 2018 દરમિયાન ગુજરાતમાં મહિલાઓ વિરુદ્ધ અપરાધના 8,329 કેસ નોંધાયા હતા. જ્યારે વર્ષ 2019માં મહિલાઓ વિરુદ્ધ અપરાધના 8799 અને 2020માં 8028 કેસ નોંધાયા હતા.

Please follow and like us: