અભિનેતા નહીં ક્રિકેટર બનવા માંગતા હતા ઈરફાન ખાન, જાણો તેમના જન્મદિવસે કેટલીક રસપ્રદ વાતો
Irfan Khan (File Image )
બોલિવૂડના (Bollywood )દિગ્ગજ અભિનેતાઓમાંના એક દિવંગત અભિનેતા(Actor ) ઈરફાન ખાન(Irfan Khan ) ભલે આ દુનિયામાં ન રહ્યા હોય, પરંતુ લોકો તેમને આજે પણ યાદ કરે છે. ઈરફાન ખાને ઘણા એવા અભિનય કર્યા જે દર્શકોના દિલમાં વસી ગયા. ઈરફાન ખાનનો જન્મ 7 જાન્યુઆરી 1967ના રોજ થયો હતો અને 29 એપ્રિલ 2020ના રોજ કેન્સરને કારણે તેનું અવસાન થયું હતું.
ઈરફાન ખાને પોતાના કરિયરમાં હોલીવુડની ફિલ્મો સહિત લગભગ 70 ફિલ્મો કરી. તેની છેલ્લી ફિલ્મ ‘અંગ્રેજી મીડિયમ’ હતી, જે વર્ષ 2020માં જ આવી હતી. ઈરફાન ખાને ઘણી ટીવી સીરિયલ્સમાં પણ કામ કર્યું હતું. પરંતુ બહુ ઓછા લોકો જાણતા હશે કે ઈરફાન ખાન ક્યારેય એક્ટર બનવા માંગતા ન હતા, પરંતુ તેમનું સપનું ક્રિકેટર બનવાનું હતું. આજે અમે તમને તેમના જીવન સાથે જોડાયેલી કેટલીક વાતો જણાવવા જઈ રહ્યા છીએ.
ઈરફાન એસી રિપેરિંગનું કામ કરતા, ક્રિકેટર બનવાનું હતું સપનું
ઈરફાન ખાન એક સામાન્ય પરિવારના હતા. પરિવારને મદદ કરવા માટે તે એસી રિપેરિંગનું કામ કરતા હતા. AC રિપેર કરવાની નોકરી દરમિયાન તેમને રાજેશ ખન્નાના ઘરે AC રિપેર કરવા જવાનો મોકો પણ મળ્યો. જો કે તેમનું સપનું ક્રિકેટર બનવાનું હતું, પરંતુ આ પૂરું ન થઈ શક્યું, તેથી તેમણે દિલ્હીની નેશનલ સ્કૂલ ઓફ ડ્રામામાં એડમિશન લીધું અને બસ તેની વાસ્તવિક પ્રતિભા લોકો સામે આવી ગઈ.
ફિલ્મોમાં આવ્યા પછી પણ સંઘર્ષ કર્યો
ઇરફાન ખાન થિયેટર સાથે જોડાયો, ત્યારબાદ તેણે મનોરંજન ઉદ્યોગમાં આવવા માટે સખત મહેનત કરવી પડી. તેમને શરૂઆતના તબક્કામાં સફળતા ન મળી, પરંતુ અભિનેતાએ હાર ન માની અને પછી તેમને કામ મળવા લાગ્યું. અગાઉ તેણે ટીવી સિરિયલોમાં કામ કર્યું હતું. તેમને પહેલીવાર ફિલ્મ ‘સલામ બોમ્બે’માં કામ કરવાની તક મળી.
જે સમયે તેમને આ રોલ ઓફર કરવામાં આવ્યો હતો તે સમયે તે એક્ટિંગ સ્કૂલમાં ત્રીજા વર્ષના વિદ્યાર્થી હતા. આ ભૂમિકા માટે હા કહેતા પહેલા, તેમણે બે વાર વિચાર્યું નહીં અને સંમત થયા. જોકે તેમનો રોલ ઘણો નાનો હતો, પરંતુ આ નાનકડો રોલ ફિલ્મી દુનિયામાં પગ જમાવવા માટે પૂરતો હતો.
ઈરફાન ખાન પૂરું નામ
ઈરફાન ખાનને લોકો આ નામથી ઓળખે છે, પરંતુ તેમનું પૂરું નામ સાહબઝાદે ઈરફાન અલી ખાન હતું, જે તેમણે પોતાની કારકિર્દી માટે ટૂંકું કરી ઈરફાન ખાન રાખ્યું હતું.
