ભાજપને 12 સીટો આપનાર સુરતીઓ પર 307 કરોડના વેરા વધારા સાથેનું બજેટ રજૂ -

સુરત મહાનગરપાલિકાના મ્યુનિસિપલ કમિશનર શાલિની અગ્રવાલ દ્વારા આજે સુરત મનપાનું 2023-24 નું 7707 કરોડનું બજેટ રજૂ કરવામાં આવ્યું હતું. ગયા વર્ષ કરતા બજેટમાં 420 કરોડ જેટલો વધારો કરાયો હતો.

બજેટની ખાસ વાત એ રહી કે સામાન્ય જનતા પર યુઝર ચાર્જ અને પ્રોપર્ટી ટેક્સ અંતર્ગત 307 કરોડનો વેરો વધારો કરવામાં આવનાર છે. જોકે કોંગ્રેસ તરફથી આ બજેટની નિંદા કરાઈ હતી.

કોંગ્રેસના કોર્પોરેટર અસલમ સાઈકલવાળાએ જણાવ્યું હતું કે ભાજપને 12 સીટો ચરણે ધરનાર સુરતીઓ પર આ ભારણ નાંખવામાં આવ્યું છે.

જોકે આ બજેટને મ્યુનિસિપલ કમિશનરે વિકાસલક્ષી, ગ્રીન બજેટ અને મહિલાઓ તેમજ બાળકો માટે ફ્રેન્ડલી ગણાવ્યું હતું. બજેટની કેટલીક હાઈલાઇટ્સ પર નજર કરીએ તો..

બજેટ હાઈલાઇટ્સ..

સુરત મનપાનું 7707 કરોડનું બજેટ

મનપાના ઇતિહાસનું સૌથી મોટું કદ ધરાવતું બજેટ

બજેટમાં 352 કરોડનું રેવન્યુ સરપ્લસ..

તેના લીધે વિકાસના કામો માટે વધારાનું ફંડ મળશે..

નવા વિસ્તારોના આંતરમાળખાકીય સુવિધા પર ભાર..

વર્લ્ડ કલાસ ઈન્ફ્રાસ્ટ્રક્ચર માટે 1400 કરોડના આઇકોનીક પ્રોજેક્ટનું આયોજન..

પાણી પુરવઠા માટે 317 કરોડની ફાળવણી..

રોડ રસ્તા માટે 70 કરોડની ફાળવણી..

ડ્રેનેજ માટે 106 કરોડની ફાળવણી..