વિરાટ કોહલીની આ હરકતથી નારાજ થયું BCCI : હવે દરેક ખેલાડીઓ માટે આ સૂચના આપી

ભારતીય ટીમ(Indian Team) મેનેજમેન્ટે ખેલાડીઓને સોશિયલ મીડિયા પર તેમના ફિટનેસ સ્કોર વિશે કોઈ માહિતી ન આપવા કહ્યું છે અને મેનેજમેન્ટે વિરાટ કોહલીની પોસ્ટના થોડા કલાકો પછી જ આ સલાહ આપી છે. જે બાદ એવું લાગી રહ્યું છે કે BCCIને કોહલીની એક્શન પસંદ નથી આવી.વાસ્તવમાં એશિયા કપ પહેલા બેંગલુરુમાં એક ટ્રેનિંગ કેમ્પ રાખવામાં આવ્યો છે, જેમાં વિરાટ કોહલી, રોહિત શર્મા સહિત તમામ ખેલાડીઓ સામેલ છે. આ કેમ્પના પહેલા દિવસે કોહલીએ પોતાના ઈન્સ્ટાગ્રામ પર એક પોસ્ટ શેર કરી, જેમાં કોહલીએ કહ્યું કે તેણે યો યો ટેસ્ટમાં 17.2 રન બનાવ્યા છે.

બોર્ડને કોહલીની આ પોસ્ટ પસંદ નથી આવી. ઈન્ડિયન એક્સપ્રેસના જણાવ્યા અનુસાર કેમ્પમાં સામેલ તમામ ખેલાડીઓને બોર્ડના દૃષ્ટિકોણ વિશે જાણ કરવામાં આવી છે. મીડિયા રિપોર્ટ્સ અનુસાર, BCCIના એક અધિકારીએ જણાવ્યું કે ખેલાડીઓને મૌખિક રીતે જાણ કરવામાં આવી છે કે તેઓ સોશિયલ મીડિયા પર કોઈ પણ ગોપનીય બાબત શેર કરવાનું ટાળે. તેઓ રન પોસ્ટ કરી શકે છે, પરંતુ સ્કોર્સ પોસ્ટ કરવાથી કરારની શરતોનું ઉલ્લંઘન થાય છે.

ભારતીય ટીમ મેનેજમેન્ટે ખેલાડીઓ માટે 6 દિવસનો કેમ્પ ગોઠવ્યો છે. પ્રથમ દિવસે ખેલાડીઓનો યો-યો ટેસ્ટ લેવામાં આવ્યો હતો. એશિયા કપ પહેલા તે ખેલાડીઓની સંપૂર્ણ બોડી ટેસ્ટ કરવામાં આવશે, જેમને 13 દિવસનો ફિટનેસ પ્રોગ્રામ આપવામાં આવ્યો હતો. આમાં રક્ત પરીક્ષણનો પણ સમાવેશ થાય છે. ટ્રેનર્સ તેમની ફિટનેસની તપાસ કરશે અને જે તે ધોરણને પૂર્ણ ન કરે તેની સામે કાર્યવાહી થઈ શકે છે. વાસ્તવમાં બોર્ડ વર્લ્ડ કપને ધ્યાનમાં રાખીને કોઈ જોખમ લેવા માંગતું નથી.

13 દિવસનો ફિટનેસ પ્રોગ્રામ

મેનેજમેન્ટે વેસ્ટ ઈન્ડિઝના પ્રવાસથી પરત ફરેલા અને આયર્લેન્ડ સામેની 3 T20 શ્રેણીનો ભાગ ન હોય તેવા ખેલાડીઓને 13 દિવસનો ફિટનેસ પ્રોગ્રામ આપ્યો હતો. રોહિત, કોહલી, હાર્દિક પંડ્યા, રવિન્દ્ર જાડેજા, મોહમ્મદ શમી અને મોહમ્મદ સિરાજને બ્રેક દરમિયાન આ પ્રોગ્રામ ફોલો કરવા માટે કહેવામાં આવ્યું હતું.