ભારતીય ટીમના પસંદગી સમિતિના સભ્ય બનવા માટે BCCI એ મૂકી ત્રણ શરત

ભારતીય ધરતી પર રમાનાર ICC ODI વર્લ્ડ કપ 2023ને ધ્યાનમાં રાખીને બોર્ડ ઓફ કંટ્રોલ ફોર ક્રિકેટ ઇન ઇન્ડિયાએ(BCCI) મોટો નિર્ણય લીધો છે. BCCIએ ભારતીય ટીમની પસંદગી સમિતિના સભ્ય પદ માટે ખેલાડીઓ પાસેથી અરજીઓ મંગાવી છે. બીસીસીઆઈએ આ પદના અરજદારો સામે ત્રણ શરતો રાખી છે. આ શરતોને પૂર્ણ કરનાર ભૂતપૂર્વ ખેલાડીઓ ટીમ ઈન્ડિયાની પસંદગી સમિતિના સભ્ય બનવા માટે અરજી કરી શકે છે.

ભારતીય ટીમના પસંદગીકારનું પદ ફેબ્રુઆરી 2023થી ખાલી છે. સ્ટિંગ ઓપરેશન બાદ ચેતન શર્માએ પોતાના પદ પરથી રાજીનામું આપી દીધું હતું. ત્યારથી શિવ સુંદર દાસની દેખરેખ હેઠળ પસંદગીનું કામ ચાલી રહ્યું છે. સલિલ અંકોલા, શ્રીધરન સરત અને સુબ્રતો બેનર્જી આમાં તેને સપોર્ટ કરી રહ્યા છે.

 

🚨 NEWS 🚨

BCCI invites applications for one member of Men’s Selection Committee post.

Details 🔽https://t.co/jOU7ZIwdsl

— BCCI (@BCCI) June 22, 2023

તમને જણાવી દઈએ કે ટીમ ઈન્ડિયાએ વેસ્ટ ઈન્ડિઝ પ્રવાસની સાથે ODI વર્લ્ડ કપ પહેલા કુલ છ સીરીઝ રમવાની છે. આ કારણોસર, BCCI આ પોસ્ટને વહેલી તકે ભરવા માંગે છે.

BCCIની ત્રણ શરતો

1- અરજી કરનાર ખેલાડીને ભારત માટે ઓછામાં ઓછી 7 ટેસ્ટ મેચ અથવા 30 ફર્સ્ટ ક્લાસ મેચ અથવા 10 ODI અને 20 T20 આંતરરાષ્ટ્રીય મેચ રમવાનો અનુભવ હોવો જોઈએ.
2- અરજદારે આંતરરાષ્ટ્રીય ક્રિકેટમાંથી નિવૃત્તિના ઓછામાં ઓછા પાંચ વર્ષ પૂરા કર્યા હોવા જોઈએ.
3- કોઈપણ વ્યક્તિ કે જે કોઈપણ ક્રિકેટ સમિતિ (BCCI ના નિયમો અનુસાર) પાંચ વર્ષ સુધી સભ્ય રહી હોય. તે વ્યક્તિ પસંદગી સમિતિના સભ્ય બનવા માટે પાત્ર રહેશે નહીં.