Oh My God : ફિલ્મની રિલીઝ પહેલા જ ભડક્યા મહાકાલના પુજારીઓ, અક્ષય કુમાર અને નિર્માતાઓને ફટકારી લીગલ નોટિસ

અક્ષય કુમાર(Akshay Kumar) અને પંકજ ત્રિપાઠીની ફિલ્મ ઓહ માય ગોડ 2 રિલીઝ પહેલા જ વિવાદોમાં ઘેરાઈ ગઈ છે. ફિલ્મને લઈને દરરોજ કોઈને કોઈ નવો વિવાદ ઊભો થઈ રહ્યો છે. ભૂતકાળમાં, જ્યાં સેન્સર બોર્ડે ફિલ્મના ઘણા સીન અને સિક્વન્સ બદલ્યા હતા, જેના કારણે ફિલ્મના ટ્રેલરને રિલીઝ થવામાં થોડો સમય લાગ્યો હતો. તો મહાકાલ મંદિરના પૂજારીઓએ ફિલ્મને લઈને લીગલ નોટિસ જારી કરી છે.

મહાકાલના પૂજારીઓએ OMG 2ના નિર્માતાઓને નોટિસ મોકલી છે.

મહાકાલ મંદિરના પૂજારીઓનું કહેવું છે કે જ્યારે આ ફિલ્મ માત્ર પુખ્ત વયના લોકો જ જોઈ શકે છે ત્યારે તેમાંથી શિવ અને મહાકાલ સાથે જોડાયેલા દ્રશ્યો હટાવી દેવા જોઈએ. ફિલ્મનું ટ્રેલર રિલીઝ થયા બાદ ઉજ્જૈનમાં યોજાયેલી જાહેર સુનાવણીમાં મહાકાલ મંદિરના પૂજારી મહેશ શર્મા અને અન્ય લોકોએ પણ અરજીઓ આપી છે. એટલું જ નહીં મેકર્સને લીગલ નોટિસ પણ મોકલવામાં આવી છે. આ સિવાય શહેરના એડીએમએ કહ્યું કે તેઓ આમાં તથ્યપૂર્ણ તપાસ કરશે.

અક્ષય કુમારને પણ નોટિસ મોકલી છે

પૂજારી મહેશે કહ્યું છે કે, ભગવાનને કોઈપણ સ્વરૂપમાં રજૂ કરવું સારું નથી. ફિલ્મ નિર્માતાઓએ ધ્યાનમાં રાખવું જોઈએ કે આ પ્રકારની રજૂઆત ધર્મમાં માનતા લોકોની આસ્થાને ઠેસ પહોંચાડી શકે છે. ફિલ્મમાં ભગવાન શિવને કચોરી ખરીદતા દર્શાવવામાં આવ્યા છે અને તેનાથી અમારી આસ્થાને ઠેસ પહોંચી છે.

અમે હાઈકોર્ટના એડવોકેટ અભિલાષા વ્યાસ દ્વારા ફિલ્મ નિર્દેશક અમિત રાય, નિર્માતા વિપુલ શાહ, ચંદ્રપ્રકાશ દ્વિવેદી, અભિનેતા અક્ષય કુમાર તેમજ સેન્સર બોર્ડના અધ્યક્ષ પ્રસૂન જોશીને કાનૂની નોટિસ મોકલી છે. આ પત્રમાં લખ્યું છે કે જ્યારે પણ તે પ્રાપ્ત થાય, તેમાં દર્શાવવામાં આવેલા તમામ અપમાનજનક દ્રશ્યો 24 કલાકની અંદર હટાવી દેવામાં આવે.

અક્ષય ભગવાન શિવના દૂત બનશે

તમને જણાવી દઈએ કે, આ ફિલ્મમાં અક્ષય કુમાર ભગવાન શિવના રોલમાં બતાવવામાં આવનાર હતો, પરંતુ બદલાવ બાદ તેને શિવના દૂતના અવતારમાં બતાવવામાં આવશે. આ ફિલ્મ 11 ઓગસ્ટે જ રીલિઝ થઈ રહી છે.