આધાર કાર્ડ અને પાન કાર્ડ લિંક છે કે નહીં ? ઘરે બેઠા ફક્ત એક મિનિટમાં ચકાસો
સેન્ટ્રલ બોર્ડ ઓફ ડાયરેક્ટ ટેક્સિસ (CBDT) એ પાન કાર્ડ અને આધાર કાર્ડને લિંક કરવાનું ફરજિયાત બનાવ્યું છે. કરદાતાઓને પહેલેથી જ તેમના પરમેનન્ટ એકાઉન્ટ નંબર (પાન કાર્ડ) સાથે આધાર લિંક કરવાની સૂચના આપવામાં આવી હતી . આ બંને કાર્ડને લિંક કરવાની અંતિમ તારીખ 31 માર્ચ, 2023 છે. જો તમે આ પ્રક્રિયા પૂર્ણ નહીં કરો, તો પાન કાર્ડ રદ થઈ જશે. તેનો કોઈ ઉપયોગ રહેશે નહીં. તેથી તમે બેંકિંગ, મ્યુચ્યુઅલ ફંડ, શેરબજાર સંબંધિત સેવાઓનો લાભ લઈ શકશો નહીં. BSE, NSE તમને વેપાર કરવા દેશે નહીં. તેનો અર્થ એ છે કે તમારા નાણાકીય વ્યવહારો સીધા પ્રતિબંધિત થઈ જશે.
જો તમને શંકા છે કે તમારું પાન કાર્ડ અને આધાર કાર્ડ લિંક છે કે નહીં, તો તમે ઘરે બેઠા સરળતાથી સ્ટેટસ ચેક કરી શકો છો. આ માટે બે પદ્ધતિઓ છે. તેના માટે તમારે આ સ્ટેપ્સ ફોલો કરવા પડશે. તેના માટે આવકવેરા વિભાગના ઈ-ફાઈલિંગ પોર્ટલ પર જવું પડશે.
- પગલું 1: સૌ પ્રથમ, આવકવેરા વિભાગના ઈ-ફાઈલિંગ પોર્ટલ પર જાઓ. તેના માટે તમારે આ લિંક પર ક્લિક કરવાનું રહેશે https://www.incometax.gov.in/iec/foportal/
- સ્ટેપ 2: આ સિવાય તમારે 10 અંકનો પાન નંબર અને 12 અંકનો આધાર નંબર દાખલ કરવો પડશે. તે પછી તમારે વ્યૂ લિંક પર જઈને આધાર સ્ટેટ પર ક્લિક કરવાનું રહેશે.
- સ્ટેપ 3: પછી તમારો 10 અંકનો પાન કાર્ડ નંબર અને 12 અંકનો આધાર નંબર દાખલ કરો, પછી વ્યૂ લિંક પર આધાર સ્ટેટસ પર ક્લિક કરો. જો તમારો આધાર નંબર પહેલેથી જ લિંક છે તો આધાર નંબર દેખાશે. જો તમારો આધાર નંબર અપડેટ થયો નથી તો તમારે લિંકિંગ પ્રક્રિયામાંથી પસાર થવું પડશે.
- તમારા PAN-આધારની સ્થિતિ તપાસવાની બીજી પદ્ધતિ SMS છે. એસએમએસની મદદથી પાન કાર્ડ-આધાર કાર્ડ લિન્કિંગનું સ્ટેટસ ચેક કરી શકાય છે. તેના માટે તમારે 567678 અથવા 56161 પર SMS મોકલવાનો રહેશે.
- તમારું સ્ટેટસ ચેક કરવા માટે તમારે મેસેજ મોડમાં UIDPAN ટાઈપ કર્યા પછી જગ્યા છોડવી પડશે. તે પછી તમારે તમારું 12 અંકનું આધાર કાર્ડ ટાઇપ કરવાનું રહેશે. તે પછી તમારે પાન કાર્ડ નંબર ટાઈપ કરવાનો રહેશે. પછી 567678 અથવા 56161 પર SMS મોકલો.
- SMS ફોર્મેટ હશે: UIDPAN <12 ડિજીટ આધાર નંબર> <10 ડિજીટ પાન કાર્ડ નંબર>