7030930344 આ છે મુખ્યમંત્રીનો વોટ્સએપ નંબર : ફરિયાદ કરવા કરી શકો છો મેસેજ

ગુજરાતમાં(Gujarat ) રેકોર્ડબ્રેક ચૂંટણી જીત્યા બાદ ભાજપ (BJP) સરકાર કામે લાગી ગઈ છે. ડબલ એન્જિનની સરકાર રાજ્યમાં (State )વિકાસના કામોને વેગ આપી રહી છે. તે જ સમયે, લોકોની ફરિયાદો સીધી મુખ્યમંત્રી સુધી પહોંચી શકે અને મુખ્યમંત્રી કાર્યાલયને સોશિયલ મીડિયા સાથે જોડી શકાય તે માટે એક વોટ્સએપ નંબર 7030930344 જાહેર કરવામાં આવ્યો છે. રાજ્યનો કોઈપણ નાગરિક આ નંબર પર ફરિયાદ કરી શકે છે.

મુખ્યમંત્રી કાર્યાલય હવે સોશિયલ મીડિયા સાથે જોડાશે

પ્રાપ્ત માહિતી અનુસાર મુખ્યમંત્રી ભૂપેન્દ્ર પટેલ સતત બીજી વખત સત્તા સંભાળ્યા બાદ કંઈક નવું કરવાનો પ્રયાસ કરી રહ્યા છે. ગુજરાતના નાગરિકોને કોઈ મુશ્કેલી ન પડે તે માટે તેમણે આ નિર્ણય લીધો છે. જેમાં રાજ્યના દરેક નાગરિકને સોશિયલ મીડિયા દ્વારા મુખ્યમંત્રી કાર્યાલય સાથે જોડવાની વ્યવસ્થા કરવામાં આવી છે. આ માટે લોકો જાહેર કરાયેલા વોટ્સએપ નંબર પર પોતાની ફરિયાદ નોંધાવી શકશે. મુખ્યમંત્રી કાર્યાલયને હવે સોશિયલ મીડિયા સાથે જોડવાના પ્રયાસો શરૂ કરવામાં આવ્યા છે.

તમને વોટ્સએપ નંબર પરથી ઓટો જનરેટેડ મેસેજ મળશે

આ માટે લોકો વોટ્સએપ નંબર 7030930344 દ્વારા મુખ્યમંત્રી કાર્યાલયનો સંપર્ક કરી શકશે. આ નંબર દ્વારા મુખ્યમંત્રીને વિવિધ રજૂઆતો, અરજીઓ, ફરિયાદો વગેરે જાણી શકાશે. મુખ્યમંત્રી કાર્યાલયના વોટ્સએપ નંબર પરથી ઓટો જનરેટેડ મેસેજ આવશે.