સુરતના બે જબરા ફેન શાહરૂખ ખાનને મળવા મન્નતમાં ઘુસી ગયા : ગુનો દાખલ

કેટલાક ફેન્સ(Fans) પોતાના ફેવરિટ સ્ટાર્સને મળવા માટે કોઈપણ હદ સુધી જઈ શકે છે. મામલો બોલિવૂડના(Bollywood) કિંગ ખાનનો છે. જ્યારે 19 અને 20 વર્ષના યુવકો શાહરૂખના ઘરની દિવાલ તોડીને મન્નતમાં પ્રવેશ્યા હતા. તેની સુરક્ષામાં આ એક મોટી ખામી હોવાનું માનવામાં આવે છે. જોકે, ફરજ પરના સુરક્ષાકર્મીઓએ તેને પકડીને પોલીસને હવાલે કર્યો હતો. પૂછપરછ દરમિયાન બંનેએ ખુલાસો કર્યો હતો કે તેઓ ગુજરાતના સુરત શહેરથી આવ્યા હતા અને શાહરૂખ ખાનને મળવા માંગતા હતા.

તેમની સામે ભારતીય દંડ સંહિતા (આઈપીસી) હેઠળ ઘરની પેશકદમી અને અન્ય સંબંધિત ગુનાઓનો કેસ નોંધવામાં આવ્યો હતો, એમ અધિકારીએ જણાવ્યું હતું. આ સમયે શાહરૂખ ખાન ઘરે હાજર નહોતો, તે તેની આગામી ફિલ્મ જવાનનું શૂટિંગ કરી રહ્યો હતો.