સુરત મહાનગરપાલિકા સચિન વિસ્તારમાં પણ શરૂ કરશે 50 બેડની હોસ્પિટલ
Surat Municipal Corporation will also start a 50-bed hospital in Sachin area
હદ વિસ્તરણ બાદ મ્યુનિસિપલ કોર્પોરેશનમાં (Surat Municipal Corporation) સમાવિષ્ટ નવા વિસ્તારોમાં પાણી અને ડ્રેનેજની સુવિધા સાથે આરોગ્ય સેવાઓ આપવા પર મ્યુનિસિપલ પ્રશાસન ભાર મૂકી રહ્યું છે. મહાનગરપાલિકાએ હવે સચિન વિસ્તારમાં 50 બેડની હોસ્પિટલ બનાવવાનો નિર્ણય લીધો છે. આ માટે PWD કમિટીમાં 7.50 કરોડની દરખાસ્ત મંજૂર કરવામાં આવી છે અને હવે સામાન્ય સભાની મંજૂરીની રાહ જોવાઈ રહી છે. ઉલ્લેખનીય છે કે અગાઉ મહાપાલિકાની સામાન્ય સભામાં સામાન્ય સભાએ સ્મીમેર હોસ્પિટલને 600 બેડની મલ્ટી સુપર સ્પેશિયાલિટી હોસ્પિટલ અને મેડિકલ કોલેજમાં અપડેટ કરવાનો નિર્ણય લીધો હતો. મહાનગરપાલિકાની ચૂંટણી પહેલા સુરતની હદ વિસ્તારવામાં આવી હતી. જે અંતર્ગત બે નગરપાલિકા સહિત 20થી વધુ ગામો મહાનગરપાલિકામાં જોડાયા હતા. હવે પ્રાથમિક સુવિધાઓની સાથે મહાનગરપાલિકા આ વિસ્તારોમાં આરોગ્ય અને શિક્ષણની સુવિધાઓ વધારી રહી છે.
સારવાર માટે 15 કિમી દૂર આવવું પડે છે
હાલમાં સચિન વિસ્તારના લોકોને આરોગ્ય સેવાની જરૂર હોય ત્યારે 15 કિમી દૂર આવેલી નવી સિવિલ હોસ્પિટલ અથવા સ્મીર હોસ્પિટલમાં આવવું પડે છે, પરંતુ 50 બેડની હોસ્પિટલ શરૂ થતાં લોકોને આટલી લાંબી મુસાફરી કરવી પડશે નહીં.
સચિન વિસ્તારની વાત કરીએ તો આ વિસ્તાર મહાનગરપાલિકાના ઉધના-બી ઝોનમાં સમાવિષ્ટ છે. સચિન, પારડી, કનકપુર અને કનસાડ મોટી વસ્તી તેમજ મોટા ઔદ્યોગિક વિસ્તારો ધરાવે છે. આવી સ્થિતિમાં અહી હોસ્પિટલ શરૂ કરવા માટે સ્થાનિક લોકોની લાંબા સમયથી માંગણી હતી. ચોર્યાસી વિધાનસભા ક્ષેત્રના ધારાસભ્ય સંદીપ દેસાઈ સમક્ષ લોકોએ આ માંગ ઉઠાવી હતી. તેઓ સાંસદ અને ભાજપના પ્રદેશ અધ્યક્ષ સી.આર. પાટીલ સમક્ષ લોકોની માંગણીઓ રજૂ કરવામાં આવી હતી. આ પછી મ્યુનિસિપલ કોર્પોરેશન પ્રશાસને સચિન વિસ્તારમાં 50 બેડની હોસ્પિટલ શરૂ કરવાનો નિર્ણય લીધો હતો. આ માટેનો પ્રસ્તાવ તૈયાર કરીને પીડીડબ્લ્યુ કમિટિ સમક્ષ મૂકવામાં આવ્યો હતો. 7.50 કરોડના આ પ્રસ્તાવને PWD કમિટીએ મંજૂરી આપી હતી. હવે તેને જનરલ બોડીમાં રજુ કરવામાં આવશે અને જનરલ બોડીની મંજુરી મળ્યા બાદ હોસ્પિટલના બાંધકામની કામગીરી શરૂ કરવામાં આવશે.
