સગીર વયની છોકરીને 34 વાર છરીના ઘા મારી હત્યા કરનારને મૃત્યુદંડની સજા
Man sentenced to death for stabbing minor girl 34 times
ગુજરાતના(Gujarat) રાજકોટની એક અદાલતે (Court) એક સગીર છોકરીને 34 વાર છરીના ઘા મારીને હત્યા કરવા બદલ એક વ્યક્તિને ફાંસીની સજા ફટકારી છે. એડિશનલ ડિસ્ટ્રિક્ટ એન્ડ સેશન્સ જજ આર.આર. ચૌધરીની કોર્ટે 26 વર્ષીય જયેશ સરવૈયાને 11માં ધોરણની વિદ્યાર્થિની સાથે સેક્સ કરવાનો ઇનકાર કર્યા પછી 34 વખત છરા મારવા બદલ મૃત્યુદંડની સજા ફટકારી હતી. આ વ્યક્તિએ છોકરીના ભાઈને પણ ઇજા પહોંચાડી હતી, જેણે માર્ચ 2021માં હુમલા દરમિયાન દરમિયાનગીરી કરવાનો પ્રયાસ કર્યો હતો.
સ્પેશિયલ પબ્લિક પ્રોસિક્યુટર જનક પટેલે જણાવ્યું હતું કે નિર્ભયા કેસમાં સુપ્રીમ કોર્ટ દ્વારા વ્યાખ્યાયિત કર્યા મુજબ કોર્ટે તેને “રેરેસ્ટ ઓફ રેર કેસ” ગણાવ્યો હતો. તેમણે કહ્યું કે દોષિતને હાઈકોર્ટમાં અપીલ કરવા માટે એક મહિનાનો સમય આપવામાં આવ્યો છે.
જયેશ સરવૈયા સામે ભારતીય દંડ સંહિતાની સંબંધિત કલમો અને પ્રોટેક્શન ઓફ ચિલ્ડ્રન ફ્રોમ સેક્સ્યુઅલ ઓફેન્સ (POCSO) એક્ટ હેઠળ ગુનો નોંધવામાં આવ્યો હતો. પટેલે જણાવ્યું હતું કે, “કોર્ટે આરોપીને આઈપીસીની કલમ 302 હેઠળ મૃત્યુદંડની સજા સંભળાવી હતી અને 5,000 રૂપિયાનો દંડ ફટકાર્યો હતો. આ એક હત્યા હતી જેણે સમગ્ર સમુદાયને આંચકો આપ્યો હતો અને તેથી તેને ગંભીરતાથી લેવામાં આવી હતી.” તેમણે કહ્યું કે દોષિતને અપીલ કરવા માટે એક મહિનાનો સમય આપવામાં આવ્યો છે.
આરોપી અને યુવતી જેતપુરના જેતલસર ગામના રહેવાસી હતા. તે વ્યક્તિ તેને હેરાન કરતો હતો અને 16 માર્ચ, 2021ના રોજ તે તેના ઘરે પ્રસ્તાવ લઈને ગયો હતો. તેણીના ઇનકાર પર, સરવૈયાએ છોકરીને માર માર્યો અને જ્યારે તેણીએ ભાગવાનો પ્રયાસ કર્યો, ત્યારે તેણીને તેના ઘરની બહાર ઘણી વાર ચપ્પુના માર માર્યો. ચોંકી ઉઠેલા સ્થાનિકોએ તેને ફાંસીની સજા આપવાની માંગ કરી હતી.
