ગૌતમ ગંભીર ટીમ ઈન્ડિયા સાથે પોતાની નવી ઈનિંગની શરૂઆત કરશે, 2 ટીમોને આપી કોચિંગ, 1ને ચેમ્પિયન બનાવ્યો
ટીમ ઈન્ડિયાના પૂર્વ ઓપનર ગૌતમ ગંભીર ભારતીય ટીમના નવા મુખ્ય કોચની જવાબદારી સંભાળશે. આ દિગ્ગજ ખેલાડી શ્રીલંકા પ્રવાસ પર જઈ રહેલી ટીમ સાથે પોતાની નવી ઈનિંગની શરૂઆત કરવા જઈ રહ્યો છે.
![Gautam Gambhir became the new head coach of the Indian team](https://imaginesurat.com/wp-content/uploads/2024/07/Web-Banner-38-1024x512.jpg)
Gautam Gambhir became the new head coach of the Indian team
ભારતીય ક્રિકેટ ટીમને નવા મુખ્ય કોચ મળ્યા છે. છેલ્લા કેટલાક દિવસોથી દરેક જગ્યાએ આ બાબતની ચર્ચા થઈ રહી હતી. ભારતીય ટીમના મુખ્ય કોચ તરીકે રાહુલ દ્રવિડનો કાર્યકાળ ICC T20 વર્લ્ડ કપ ફાઇનલમાં સમાપ્ત થયો. ટીમ ઈન્ડિયા નેશનલ ક્રિકેટ એકેડમીના હેડ વીવીએસ લક્ષ્મણ સાથે ઝિમ્બાબ્વેના પ્રવાસે ગઈ છે. આ પ્રવાસમાં તે ટીમના મુખ્ય કોચની જવાબદારી નિભાવી રહ્યો છે. ગૌતમ ગંભીર ભારતના 25માં ચીફ બન્યા છે. આ પહેલા તે ઈન્ડિયન પ્રીમિયર લીગમાં બે ટીમો સાથે કામ કરી ચુક્યો છે.
ટીમ ઈન્ડિયાના પૂર્વ ઓપનર ગૌતમ ગંભીર ભારતીય ટીમના નવા મુખ્ય કોચની જવાબદારી સંભાળશે. આ દિગ્ગજ ખેલાડી શ્રીલંકા પ્રવાસ પર જઈ રહેલી ટીમ સાથે પોતાની નવી ઈનિંગની શરૂઆત કરવા જઈ રહ્યો છે. બીસીસીઆઈએ ગંભીરના નવા મુખ્ય કોચ બનવા અને શ્રીલંકા પ્રવાસ પર જવાની માહિતી શેર કરી છે. ભારતીય ટીમ સાથે ખેલાડી તરીકે બે વર્લ્ડ કપ જીતી ચૂકેલા આ દિગ્ગજ ખેલાડીની નજર ટીમ માટે શક્ય તેટલી વધુ ICC ટ્રોફી જીતવા પર હશે.
ગૌતમ ગંભીરની કોચિંગ કારકિર્દી
ICC T20 વર્લ્ડ કપ 2007 અને ODI વર્લ્ડ કપ 2011માં ભારતને ચેમ્પિયન બનાવવામાં મહત્વની ભૂમિકા ભજવનાર ગૌતમ ગંભીર હવે મોટી જવાબદારી નિભાવવા જઈ રહ્યો છે. જો આ દિગ્ગજની કોચિંગ કારકિર્દીની વાત કરીએ તો ભારતીય ટીમના કોચ બનવું તેમના માટે ખૂબ જ સન્માનની વાત છે. કોચની જવાબદારી મળ્યા બાદ ગૌતમ ગંભીરે સોશિયલ મીડિયા પર આ લખ્યું.
ભારતીય ટીમના મુખ્ય કોચ બનાવતા પહેલા ગૌતમ ગંભીર બે ટીમોને કોચ કરી ચુક્યા છે. તેણે 2022 અને 2023માં ઈન્ડિયન પ્રીમિયર લીગ ફ્રેન્ચાઈઝી ટીમ લખનૌ સુપર જાયન્ટ્સ સાથે માર્ગદર્શક તરીકે કામ કર્યું છે. આ વર્ષે તેણે કોલકાતા નાઈટ રાઈડર્સ ટીમ સાથે મેન્ટર તરીકે પણ કામ કર્યું હતું. ગૌતમ ગંભીરે આ વખતે KKRને IPL ચેમ્પિયન બનાવ્યું.