ધોની સાથે સંપર્ક કરવો મુશ્કેલ : બીજાની વાત જવા દો, મારો પણ ફોન નથી ઉપાડતો : વિરાટ કોહલી
Difficult to contact Dhoni: Let alone others, not picking up my phone either: Virat Kohli
પૂર્વ દિગ્ગજ કેપ્ટન મહેન્દ્ર સિંહ ધોની(Dhoni) અને વિરાટ કોહલી (Virat Kohli) વચ્ચે ખૂબ જ ગાઢ સંબંધ છે. વિરાટ ધોનીને પોતાનો રોલ મોડલ અને મોટો ભાઈ માને છે. પરંતુ વિરાટે ધોનીને લઈને એક રસપ્રદ ખુલાસો કર્યો છે. વિરાટે કહ્યું કે ધોનીનો સંપર્ક કરવો ખૂબ જ મુશ્કેલ છે કારણ કે તે મારો ફોન પણ ઉપાડતો નથી અન્ય કોઈની તો વાત જ ન કરો.
વાસ્તવમાં માહી લાઈમલાઈટથી દૂર રહે છે અને આ જ કારણ છે કે ઈન્ટરનેશનલ ક્રિકેટમાંથી નિવૃત્તિ લીધા બાદ તે રાંચીમાં પોતાના ઘર અને ફાર્મહાઉસમાં રહેવાનું પસંદ કરે છે. જોકે વિરાટે ધોનીનો આભાર પણ માન્યો હતો. તેણે કહ્યું કે, જ્યારે હું 2022માં ખૂબ જ ખરાબ સમયમાંથી પસાર થઈ રહ્યો હતો ત્યારે ધોની એકમાત્ર વ્યક્તિ હતો જેણે મારી સાથે વાત કરી હતી. તેણે મને મેસેજ કર્યો, જ્યારે તમારી પાસેથી મજબૂત બનવાની અપેક્ષા રાખવામાં આવે છે અને એક મજબૂત વ્યક્તિ જોવા મળે છે, ત્યારે લોકો તમને પૂછવાનું ભૂલી જાય છે કે તમે કેમ છો. વિરાટે કહ્યું, આ મેસેજે મને ઘણી હિંમત આપી અને મને સમજવામાં ઘણી મદદ કરી.
વિરાટે એક પોડકાસ્ટ દરમિયાન કહ્યું કે, તમે ભાગ્યે જ તેની સાથે સરળતાથી સંપર્ક કરશો. જો હું તેમને કોઈ પણ દિવસે અચાનક ફોન કરું, તો 99% ખાતરી છે કે તેઓ મારો કૉલ પણ ઉપાડશે નહીં. મારી સાથે બે વાર આવું બન્યું છે. ખરેખર, ધોની ફોન તરફ જોતો નથી. આ કારણે તેમની સાથે ફોન પર વાત કરવી સરળ નથી.
મને નિષ્ફળ કેપ્ટન માનવામાં આવ્યો
વિરાટે પોતાની કેપ્ટનશિપ વિશે કહ્યું કે તેને ICC ટ્રોફી ન જીતવાનો પણ અફસોસ છે. આ કારણથી તેને નિષ્ફળ કેપ્ટન માનવામાં આવતો હતો. તેણે કહ્યું, મેં ચાર ICC ટૂર્નામેન્ટમાં ભારતીય ટીમની કેપ્ટનશિપ કરી પરંતુ ક્યારેય ટાઇટલ જીતી શક્યો નહીં. આ કારણે ટીકાકારોએ મારી કેપ્ટનશિપ પર સવાલ ઉઠાવ્યા અને મને નિષ્ફળ કેપ્ટન ગણાવ્યો. પરંતુ હું ક્યારેય તે દૃષ્ટિકોણથી મારી જાતને જજ કરતો નથી.
