ભાજપે પાંચ રાજ્યોમાં વિધાનસભાની ચૂંટણી પ્રચારમાં ૩૪૦ કરોડ રૂપિયા ખર્ચ કર્યા
ભારતીય જનતા પાર્ટીએ આ વર્ષે પૂર્ણ થયેલી પાંચ રાજ્યોમાં વિધાનસભા ચૂંટણીના પ્રચારમાં ૩૪૦ કરોડ રૂપિયા ખર્ચયા છે, જ્યારે કોંગ્રેસે આ રાજ્યોમાં ૧૯૪ કરોડ રૂપિયાથી વધુ ખર્ચ કર્યા છે. આ બંને પક્ષોએ કરેલા ખર્ચની જવાબદારી ચૂંટણી પંચને સોંપવામાં આવી હતી. વિગતમાં આ માહિતી સામે આવી છે. આયોગે આ માહિતી સાર્વજનિક કરી છે.
ભાજપે આપેલી વિગતો અનુસાર, તેણે ઉત્તર પ્રદેશ, ઉત્તરાખંડ, મણિપુર, ગોવા અને પંજાબ વિધાનસભા ચૂંટણીના પ્રચાર પર ૩૪૦ કરોડ રૂપિયાથી વધુનો ખર્ચ કર્યા છે. આ મુજબ ભાજપે ઉત્તર પ્રદેશમાં સૌથી વધુ ૨૨૧ કરોડ રૂપિયા, મણિપુરમાં ૨૩ કરોડ રૂપિયા, ઉત્તરાખંડમાં ૪૩.૬૭ કરોડ રૂપિયા, પંજાબમાં ૩૬ કરોડ રૂપિયા અને ગોવામાં ૧૯ કરોડ રૂપિયાથી વધુ ખર્ચ કર્યા છે.
કોંગ્રેસેઆપેલી વિગતો અનુસાર, આ પાંચ રાજ્યોમાં ચૂંટણી પ્રચાર માટે તેણે ૧૯૪ કરોડ રૂપિયાથી વધુનો ખર્ચ કર્યા છે. ભાજપ અને કોંગ્રેસ રાષ્ટ્રીય પક્ષો તરીકે ઓળખાય છે. લોકસભા અને રાજ્ય વિધાનસભાની ચૂંટણી લડી રહેલા પક્ષોએ ચૂંટણી પ્રચારમાં થયેલા ખર્ચની વિગતો નિર્ધારિત સમયમર્યાદામાં ચૂંટણી પંચને સુપરત કરવી ફરજિયાત છે.
