અદાણીએ 20 હજાર કરોડનો FPO કેન્સલ કર્યો, રોકાણકારોને પૈસા પરત કરવાની પણ કરી જાહેરાત

અદાણી (Adani) એન્ટરપ્રાઇઝ લિમિટેડે સંપૂર્ણ સબ્સ્ક્રાઇબ કર્યા પછી એક દિવસમાં રૂ. 20,000 કરોડની કિંમતનો FPO (ફોલો ઓન પબ્લિક ઓફર) પાછો ખેંચી લીધો છે. કંપનીએ એક નિવેદનમાં આ જાણકારી આપી છે. કંપનીએ એક નિવેદનમાં જણાવ્યું હતું કે, “બજારમાં અસ્થિરતાને ધ્યાનમાં રાખીને, તેણે ફોલો પબ્લિક ઑફર (FPO) પાછી ખેંચી લીધી છે અને રોકાણકારોના પૈસા પરત કરશે.”

અદાણી એન્ટરપ્રાઈઝના ચેરમેન ગૌતમ અદાણીએ નિવેદનમાં જણાવ્યું હતું કે, “આજે બજાર અણધારી રહ્યું છે અને અમારા શેરના ભાવ દિવસભર અસ્થિર રહ્યા છે. આ અસાધારણ સંજોગોમાં, કંપનીના બોર્ડને લાગ્યું કે આગળ વધવું નૈતિક રીતે યોગ્ય રહેશે નહીં. કંપનીનું સર્વોપરી છે, તેથી, તેમને કોઈપણ સંભવિત નુકસાનથી બચાવવા માટે, બોર્ડે FPO સાથે આગળ ન વધવાનો નિર્ણય લીધો છે.”

કંપનીએ કહ્યું કે આ નિર્ણયથી તેની ભાવિ યોજનાઓ પર કોઈ અસર થશે નહીં. કંપનીએ કહ્યું કે અમારી બેલેન્સ શીટ ખૂબ જ સારી સ્થિતિમાં છે અને લોનની ચુકવણીના સંદર્ભમાં અમારો ટ્રેક રેકોર્ડ દોષરહિત રહ્યો છે. ગૌતમ અદાણીએ FPO તરફ તેમનો ટેકો દર્શાવવા બદલ રોકાણકારોનો આભાર માન્યો છે કારણ કે મંગળવારે સબ્સ્ક્રિપ્શન સફળતાપૂર્વક બંધ થયું હતું. “છેલ્લા સપ્તાહમાં શેરમાં અસ્થિરતા હોવા છતાં, કંપનીમાં તમારો વિશ્વાસ ખાતરી આપનારો છે,”