Surat: અડાજણ વિસ્તારમાં વૃક્ષ સાથે લટકતી હાલતમાં યુવકની લાશ મળી આવતા ચકચાર
શહેરના પાલ વિસ્તારમાં આજે વહેલી સવારે આંબાના ઝાડ સાથે એક યુવકનો લટકતી હાલતમાં મૃતદેહ મળી આવતા ચકચાર મચી જવા પામી હતી.જ્યારે ઘટના અંગે જાણ કરવામાં આવતા પાલ પોલીસ સ્થળ ઉપર પહોંચી હતી અને યુવકનો મૃતદેહ ઝાડ પરથી નીચે ઉતારવાની કાર્યવાહી હાથ ધરવામાં આવી હતી.
પાલ પોલીસ સૂત્રો પાસેથી મળતી માહિતી મુજબ પાલ સ્થિત કેનાલ રોડ પાસે આવેલા એક આંબાના ઝાડ સાથે આજે સવારે એક યુવકનો મૃતદેહ લટકતી હાલતમાં મળી આવ્યો હતો. ઘટનાને પગલે સ્થળ ઉપર લોકો ભેગા થઈ ગયા હતા. કોઈ રાહદારીએ ઝાડ પર મૃતદેહ લટકતી હાલતમા જોઈને આ અંગે જાણ કરતા પોલીસ સ્થળ ઉપર પહોંચી હતી. પોલીસે જણાવ્યું હતું
કે મરનાર યુવક ૩૦ વર્ષીય અનિશ ગોવિંદ પ્રસાદ શાહુ હોવાનું જાણવા મળ્યું છે, તેમજ તે મૂળ મધ્યપ્રદેશનો વતની હતો અને અઠવાડિયા પહેલા જ સુરત ખાતે આવ્યો હતો.હાલમાં તે સુરતના અલગ અલગ સ્થળો ૫૨ ૨હેતા હમ વતનીઓ અને પરિચિત વ્યક્તિઓ સાથે રહી રહ્યો હતો અને હાલમા તે બેકાર હતો તેની પાસે કોઈ કામધંધો પણ નહીં હતો.પોલીસે કહ્યું હતું કે યુવકે આપઘાત કયા કારણસર કર્યો છે તે હાલમાં જાણી શકાયું નથી.વધુમાં પોલીસે જણાવ્યું હતું કે મરણ જનાર યુવક હાલમાં અપરણીત હતી.અને તેને આંબાના ઝાડ સાથે સફેદ રંગનું કાપડ બાંધીને ફાસો ખાઈને આપઘાત કર્યો છે.યુવકને મૃતદેહ નીચે ઉતારી પોસ્ટ માર્ટમ માટે હોસ્પિટલમાં ખસેડાયો હતો.બનાવને લઈને પોલીસે આગળની વધુ તપાસ હાથ ધરી છે.
