Surat: રાંદેર ભાણકી સ્ટેડીયમ પાસે જેસીબી મશીનમાં આગ ભભૂકી ઉઠી
સુરતના રાંદેર સ્થિત ભાણકી સ્ટેડીયમ પાસે એક જેસીબી મશીનમાં આગ ભભૂકી ઉઠી હતી. બીજી તરફ બનાવની જાણ ફાયર વિભાગને કરવામાં આવતા ફાયર વિભાગે ઘટના સ્થળે જઈને આગ પર કાબુ મેળવી લીધો હતો. સદનસીબે આ ઘટનામાં કોઈ જાનહાની થવા પામી ના હતી
સુરત શહેરમાં છાશવારે વાહનોમાં આગ લાગવાના બનાવો સામે આવતા રહે છે ત્યારે વધુ એક બનાવ સુરત શહેરમાં સામે આવ્યો છે. ફાયર વિભાગ પાસેથી મળતી માહિતી મુજબ ફાયર વિભાગને આજે સવારે ૬.૧૮ મીનીટે કોલ મળ્યો હતો કે રાંદેર ભાણકી સ્ટેડીયમ પાસે નવનિર્મિત બિલ્ડીંગ પાસે પાર્ક કરેલા જેસીબી મશીનમાં આગ ભભૂકી ઉઠી છે. બનાવની જાણ ફાયર વિભાગને થતા ફાયર વિભાગની ટીમે ઘટના સ્થળે પહોચી હતી અને આગ પર પાણીનો મારો ચલાવી કાબુ મેળવી લીધો હતો
ફાયર ઓફિસર ધર્મેશ પટેલે જણાવ્યું હતું કે જેસીબી મશીનમાં આગ લાગ્યાની જાણ થતા જ અમારી ટીમ ઘટના સ્થળે પહોચી હતી. જેસીબી મશીનમાં શોર્ટ સર્કીટથી આગ લાગી હતી જેમાં કેબીનનો ભાગ સળગી ગયો હતો. બીજી તરફ અમારી ટીમે આગ પર કાબુ મેળવી લીધો હતો. જેસીબી મશીનના માલિક પ્રેમજીભાઈ હતા જેઓએ અહી બાંધકામ સાઈટ પર જેસીબી પાર્ક કર્યું હતું. જો કે સદનસીબે આ ઘટનામાં કોઈ જાનહાની થવા પામી ના હતી
