વિશ્વ યોગા દિવસ પર સુરતનું નામ ચમકશે વિશ્વ ફલક પર : વાય જંકશન પર સર્જાશે નવો રેકોર્ડ
Surat's name will shine on the world board on World Yoga Day: A new record will be created at Y Junction
વિશ્વ યોગ દિવસના(World Yoga Day) કાર્યક્રમમાં ભાગ લેનાર લોકોના વાહનોના પાર્કિંગ માટે પોલીસ વિભાગ દ્વારા વ્યવસ્થા કરવામાં આવી છે. પોલીસ વિભાગે ચાર જગ્યાએ વીવીઆઈપી અને વીઆઈપી પાર્કિંગ સ્પોટ બનાવ્યા છે જેમાં કાર પાર્કિંગ માટે 15, બસ પાર્કિંગ માટે 8 અને ટુ-વ્હીલર માટે ત્રણ જગ્યા બનાવવામાં આવી છે.
યોગ ફોર વન અર્થ વન હેલ્થની થીમ પર સુરતમાં યોજાનાર રાજ્ય કક્ષાના કાર્યક્રમમાં મોટી સંખ્યામાં યુવાનોને પણ ભાગ લેવા અનુરોધ કરાયો છે. આ સંદર્ભમાં કલેક્ટર કચેરીમાં અધિકારીઓની બેઠક પણ મળી હતી. સુરતનું નામ વિશ્વમાં રોશન થાય તે માટે શહેરવાસીઓને યોગ સાથે જોડાઈને વર્લ્ડ રેકોર્ડ બનાવવા અનુરોધ કરવામાં આવી રહ્યો છે.
કાર્યક્રમને સફળ બનાવવા વહીવટી તંત્ર તૈયારીઓમાં વ્યસ્ત છે. મગદલ્લા વાય જંકશનથી એસવીએનઆઈટી સુધીના 12 કિમીના રૂટ પર સવારે 6 થી 8 દરમિયાન નગરજનો, યુવાનો અને મહિલાઓ યોગ દિવસે જોડાશે. આ કાર્યક્રમમાં જોડાવા માટે Surtide2023.in પર રજીસ્ટ્રેશન કરાવવા વહીવટી તંત્ર દ્વારા અપીલ કરવામાં આવી છે.
સર્વિસ રોડ ખુલ્લો રહેશે, પરંતુ વાહનો પાર્ક કરી શકશે નહીં
પોલીસ કમિશનર અજય કુમાર તોમરે સોમવારે વિશ્વ યોગ દિવસના આયોજન સંદર્ભે જાહેરનામું બહાર પાડીને ઉધના મગદલ્લા રોડ પર ગાંધી કુટીરથી વાય જંકશન અને પાર્લે પોઈન્ટથી વાય જંકશન સુધીનો મુખ્ય માર્ગ મંગળવારે રાત્રે 9 વાગ્યાથી ટ્રાફિક માટે બંધ કરી દીધો છે. આ પ્રતિબંધ કાર્યક્રમના અંત સુધી ચાલુ રહેશે. આ સમય દરમિયાન, વાહનચાલકો બંને માર્ગો પર આવવા-જવા માટે સર્વિસ રોડનો ઉપયોગ કરી શકશે, પરંતુ વાહન પાર્ક કરવા પર પ્રતિબંધ રહેશે.
સુરતમાં વિશ્વ યોગ દિવસ નિમિત્તે રાજ્ય કક્ષાનો કાર્યક્રમ યોજાઈ રહ્યો છે. જેમાં મુખ્યમંત્રી ભૂપેન્દ્ર પટેલ પણ હાજર રહેશે. 21 જૂને સવારે સુરતના વાય જંકશન ખાતે 1.25 લાખ લોકો યોગ માટે એકઠા થશે અને વર્લ્ડ રેકોર્ડ બનાવશે. આ કાર્યક્રમને લઈને સુરત મહાનગરપાલિકા, કલેક્ટર અને પોલીસ વિભાગ તરફથી તૈયારીઓ પૂરજોશમાં ચાલી રહી છે. સ્થળ તૈયાર કરવામાં આવી રહ્યું છે.
દરમિયાન, પોલીસ કમિશનર અજય કુમાર તોમરે સોમવારે ટ્રાફિક પ્રતિબંધને લઈને એક સૂચના પણ બહાર પાડી છે. નોટિફિકેશન મુજબ, વાય જંકશનથી ઉધના મગદલ્લા રોડથી ગાંધી કુટીર સુધીનો મુખ્ય માર્ગ અને વાય જંકશનથી ગૌરવ પથ પાર્લે પોઈન્ટ ફ્લાય ઓવરબ્રિજ મંગળવારે રાત્રે 9 વાગ્યાથી બુધવારે સવારે કાર્યક્રમના સમાપન સુધી ટ્રાફિક માટે બંધ રહેશે. આ દરમિયાન લોકો બંને રૂટ પર ટ્રાફિક માટે સર્વિસ રોડનો ઉપયોગ કરી શકશે. સર્વિસ રોડ પર હોવા છતાં પાર્કિંગ પર પ્રતિબંધ રહેશે.
