પાંડેસરામાં બે યુવકો પર જીવલેણ હુમલો : હચમચાવનારી ઘટના સીસીટીવી કેદ
સુરતના ભેસ્તાન વિસ્તારમાં બે લોકો પર જીવલેણ હુમલો કરવામાં આવ્યો છે. આ સમગ્ર ઘટનાના સીસીટીવી ફૂટેજ સામે આવ્યા છે તો બીજી તરફ આ સમગ્ર મામલે પાંડેસરા પોલીસ મથકમાં ફરિયાદ નોંધાઈ છે. જેમાં પોલીસે ગુનો નોંધી તપાસ હાથ ધરવામાં આવી રહી છે
સુરતના પાંડેસરા વિસ્તારમાં બે યુવાનો પર જીવલેણ હુમલો કરવામાં આવ્યો હતો. આ સમગ્ર ઘટનાના હચમચાવી દે તેવા સીસીટીવી ફૂટેજ સામે આવ્યા છે. મળતી માહિતી મુજબ પાંડેસરા વિસ્તારમાં રહેતા પંકજ પાસવાન તેના મિત્ર રીતેશ બ્રિજેશ રાજપૂત સાથે ભેસ્તાન સ્થિત પ્રિયંકાગ્રીન પાર્ક પાસે દુકાને દૂધ આપવા ગયા હતા આ દરમ્યાન બે મોપેડ પર ચાર જેટલા ઈસમો આવ્યા હતા અને રીતેશ પર હુમલો કરી દીધો હતો દરમ્યાન રિતેશને બચાવવા વચ્ચે પડતા પંકજને પણ ચપ્પુ વડે જીવલેણ હુમલો કરી માર મારવામાં આવ્યો હતો. આ ઘટના અંગે પંકજ પાસવાને છોટે અને રોકી વર્મા સહીત ૪ લોકો સામે પાંડેસરા પોલીસ મથકમાં ફરિયાદ નોંધાવી છે
ધંધાકીય અદાવતમાં આ હુમલો કરવામાં આવ્યો હોવાનું જાણવા મળી રહ્યું છે. આ સમગ્ર ઘટનાના સીસીટીવી ફૂટેજ પણ સામે આવ્યા છે જેમાં જોઈ શકાય છે કે યુવક પર જીવલેણ હુમલો કરી માર મારવામાં આવ્યો હતો. જો કે હાલ આ સમગ્ર મામલે પાંડેસરા પોલીસે ગુનો નોંધી તપાસ હાથ ધરી છે.
