ODI ક્રિકેટ વર્લ્ડ કપની મેચો 12 શહેરોમાં યોજાશેઃ 5 ઓક્ટોબરથી શરૂ થશે, 19 નવેમ્બરે અમદાવાદમાં રમાશે ફાઈનલ
પ્રથમ વખત, સંપૂર્ણ રીતે ભારત દ્વારા આયોજિત ODI ક્રિકેટ વર્લ્ડ કપની તારીખો જાહેર કરવામાં આવી છે. તેની મેચો ભારતના 12 શહેરોમાં યોજાશે.
ક્રિકેટના આ મહાકુંભનું આયોજન 5 ઓક્ટોબરથી 19 નવેમ્બર સુધી કરવામાં આવશે. દર ચાર વર્ષે યોજાનારી આ મેગા ટુર્નામેન્ટની ફાઈનલ અમદાવાદના નરેન્દ્ર મોદી સ્ટેડિયમ ખાતે યોજાશે. અમદાવાદ સિવાય, શોર્ટલિસ્ટમાં બેંગલુરુ, ચેન્નાઈ, દિલ્હી, ધર્મશાલા, ગુવાહાટી, હૈદરાબાદ, કોલકાતા, લખનૌ, ઈન્દોર, રાજકોટ અને મુંબઈનો સમાવેશ થાય છે. તમામ ટુર્નામેન્ટમાં 46 દિવસના સમયગાળામાં ત્રણ નોકઆઉટ સહિત 48 મેચોનો સમાવેશ થશે.
ક્રિકેટ વેબસાઈટ ક્રિકઈન્ફોએ એક રિપોર્ટમાં વર્લ્ડ કપની તારીખો અને સ્થળ વિશે માહિતી આપી છે, જોકે વિશ્વમાં ક્રિકેટનું સંચાલન કરતી સંસ્થા ઈન્ટરનેશનલ ક્રિકેટ કાઉન્સિલ (આઈસીસી)એ સત્તાવાર રીતે કોઈ તારીખની જાહેરાત કરી નથી.
પ્રથમ વખત પૂર્ણ વિશ્વ કપનું આયોજન
ભારત પ્રથમ વખત સમગ્ર વિશ્વ કપનું આયોજન કરી રહ્યું છે. અગાઉ, ભારત તેના પડોશી દેશો સાથે આ મેગા ટૂર્નામેન્ટનું આયોજન કરી ચૂક્યું છે.
10 ટીમો ભાગ લઈ રહી છે.
ટુર્નામેન્ટ 46 દિવસ ચાલશે અને ત્રણ નોકઆઉટ સહિત 48 મેચો રમાશે. આ વખતે વર્લ્ડ કપમાં 10 ટીમો ભાગ લેશે.
