કેજરીવાલનો પીએમ મોદીને પત્ર : તમે દિલ્હીવાસીઓથી કેમ આટલા નારાજ છો ?
Kejriwal's letter to PM Modi: Why are you so angry with Delhiites?
દિલ્હીના(Delhi) સીએમ અરવિંદ કેજરીવાલે પીએમ મોદીને(Narendra Modi) પત્ર લખીને દિલ્હીનું બજેટ ન રોકવાની વિનંતી કરી છે. સીએમ કેજરીવાલે પોતાના પત્રમાં કહ્યું કે, દેશના 75 વર્ષના ઈતિહાસમાં આવું પહેલીવાર થઈ રહ્યું છે જ્યારે કોઈ રાજ્યનું બજેટ રોકવામાં આવ્યું હોય. દિલ્હીવાસીઓથી તમે કેમ નારાજ છો? મહેરબાની કરીને દિલ્હીનું બજેટ રોકશો નહીં. દિલ્હીના લોકો હાથ જોડીને તમને પ્રાર્થના કરી રહ્યા છે, અમારું બજેટ પાસ કરો.
કેજરીવાલે સોમવારે (20 માર્ચ) કહ્યું હતું કે આવતીકાલે દિલ્હી સરકાર વિધાનસભામાં તેનું બજેટ રજૂ કરી શકશે નહીં, તે સરકારની સીધી ગુંડાગીરી છે અને તેના માટે કેન્દ્ર સરકાર જવાબદાર છે.
ગૃહ મંત્રાલયે શું કહ્યું?
દિલ્હી સરકારના સૂત્રોએ જણાવ્યું કે, ગૃહ મંત્રાલયે કેજરીવાલ સરકારના બજેટ પર રોક લગાવી દીધી છે અને તે મંગળવારે (21 માર્ચ) વિધાનસભામાં રજૂ કરવામાં આવશે નહીં. ગૃહ મંત્રાલયના સૂત્રોએ જણાવ્યું હતું કે કેજરીવાલે કેન્દ્રની ટીકા કર્યા પછી, મંત્રાલયે AAP પાસેથી સ્પષ્ટતા માંગી છે કારણ કે તેના બજેટમાં જાહેરાતો માટે વધુ ફાળવણી છે અને ઇન્ફ્રાસ્ટ્રક્ચર અને અન્ય મુદ્દાઓ માટે પ્રમાણમાં ઓછી છે.
દિલ્હી સરકારના લેફ્ટનન્ટ ગવર્નરે શું કહ્યું?
દિલ્હીના એલજી વી.કે. સક્સેનાની ઓફિસે દિલ્હીના સીએમના આરોપોને નકારી કાઢ્યા છે. એલજી હાઉસના એક અધિકારીએ જણાવ્યું હતું કે સક્સેનાએ કેટલાક અવલોકનો સાથે વાર્ષિક નાણાકીય નિવેદન 2023-2024ને મંજૂરી આપી હતી અને ફાઇલ 9 માર્ચે મુખ્ય પ્રધાનને પરત મોકલવામાં આવી હતી. આ પછી, દિલ્હી સરકારે ગૃહ મંત્રાલયને પત્ર મોકલીને રાષ્ટ્રપતિની મંજૂરી માંગી હતી. અધિકારીએ કહ્યું કે ગૃહ મંત્રાલયે 17 માર્ચે દિલ્હી સરકારને તેના અવલોકનો પહોંચાડ્યા હતા.
સક્સેનાએ જણાવ્યું હતું કે, રૂ. 78, 800 કરોડના પ્રસ્તાવિત બજેટ કદ સામે, મૂડી ઘટકો પરનો ખર્ચ રૂ. 21,816 કરોડ દર્શાવવામાં આવ્યો છે, જે બજેટના માત્ર 27.68 ટકા છે. આ ઉપરાંત, તેમાં લોનની ચુકવણી માટે રૂ. 5,586.92 કરોડનો પણ સમાવેશ થાય છે, જેને જો બાકાત રાખવામાં આવે તો મૂડી ઘટક ઘટીને રૂ. 16,230 કરોડ થશે, જે બજેટના માત્ર 20 ટકા છે.
