I Hate You Papa લખીને રાજકોટની વિદ્યાર્થિનીએ હોસ્ટેલમાં ફાંસો ખાઈ કર્યો આપઘાત
A Rajkot student committed suicide by hanging herself in the hostel after writing I Hate You Papa
ગુજરાતના(Gujarat) રાજકોટના ધોરાજી(Dhoraji) શહેરમાંથી એક ચોંકાવનારો કિસ્સો સામે આવ્યો છે. અહીં શનિવારે 11મા ધોરણની વિદ્યાર્થીનીએ હોસ્ટેલમાં આત્મહત્યા કરી જીવનનો અંત આણી લીધો હતો. યુવતીની મૃતદેહ હોસ્ટેલમાં તેના રૂમમાં પંખા સાથે લટકતી હાલતમાં મળી આવી હતી. વિદ્યાર્થિની દિવ્યા રમેશભાઈ ડોડિયા સાયન્સની વિદ્યાર્થીની હતી. વિદ્યાર્થિની પાસેથી એક સુસાઈડ નોટ પણ મળી આવી છે જેમાં તેણે લખ્યું છે કે ‘આઈ હેટ યુ પપ્પા….તમે મને ક્યારેય દીકરી નથી માનતા, મારી પાસે ગુસ્સામાં મરી જવા સિવાય કોઈ વિકલ્પ નથી.’પોલીસે સુસાઈડ નોટ કબજે કરી છે. અને આગળની કાર્યવાહી હાથ ધરી છે.
દિવ્યા કુતિયાણાની રહેવાસી હતી. તે કુતિયાણાથી ધોરાજી રોયલ સ્કૂલમાં ભણવા આવી હતી અને અહીં સ્કૂલની હોસ્ટેલમાં રહેતી હતી. શનિવારે રાત્રે, જ્યારે દિવ્યાએ લાંબા સમય સુધી તેનો રૂમ ન ખોલ્યો, ત્યારે હોસ્ટેલની અન્ય છોકરીઓને શંકા ગઈ અને તેણે તરત જ હોસ્ટેલ મેનેજમેન્ટને જાણ કરી. જ્યારે હોસ્ટેલની સુરક્ષા ટીમ રૂમમાં પ્રવેશી ત્યારે દિવ્યાનો મૃતદેહ સીલિંગ ફેન સાથે લટકતો જોવા મળ્યો હતો.
પોલીસ તપાસમાં જોડાઈ
છોકરીની લાશ પંખાથી લટકતી જોઈને તરત જ હોસ્ટેલ મેનેજમેન્ટે પોલીસને જાણ કરી. જે બાદ પોલીસે ઘટના સ્થળે પહોંચી વિદ્યાર્થીની લાશને કબજે કરી પોસ્ટમોર્ટમ માટે મોકલી આપી હતી. પોલીસને વિદ્યાર્થી પાસેથી સુસાઈડ નોટ મળી આવી છે. પોલીસે સ્યુસાઇડ નોટ કબજે કરી આગળની કાર્યવાહી હાથ ધરી છે.
‘પપ્પા, મારા મૃત્યુનું કારણ તમે છો’
પોલીસના જણાવ્યા અનુસાર, વિદ્યાર્થી પાસેથી મળેલી સુસાઈડ નોટમાં વિદ્યાર્થીએ લખ્યું છે કે ‘પાપા, મારા મૃત્યુનું એક જ કારણ છે અને તે તમે છો. હું તને નફરત કરુ છુ તમે મને ક્યારેય તમારી દીકરી નથી માનતા. તમે માત્ર ઓર્ડર અને ગુસ્સો કેવી રીતે કરવો તે જ જાણો છો. મને માતા અને પિતા બંનેનો પ્રેમ દાદીમા પાસેથી જ મળ્યો છે. માફ કરશો દાદી, હું તમને નફરત કરું છું પપ્પા. મને માફ કરો કારણ કે હું આ પ્રકારના ટેન્શનમાં જીવી શકતી નથી. માતા મારી આત્માને ક્યારેય આરામ મળશે નહીં. હું મારા દરેક આંસુનો બદલો લઈશ.
જણાવી દઈએ કે દિવ્યાનો પરિવાર ગુજરાતના કુતિયાણા શહેરનો રહેવાસી છે. દિવ્યા ધોરાજીની રોયલ સ્કૂલમાં ધોરણ 10 થી અભ્યાસ કરતી હતી અને તે જ સ્કૂલની હોસ્ટેલમાં રહેતી હતી. દિવ્યાના પિતા રમેશભાઈ પણ બીએસએફના જવાન રહી ચૂક્યા છે. પુત્રીના આપઘાતના સમાચાર મળતા જ સમગ્ર પરિવારમાં શોકનો માહોલ છવાઈ ગયો હતો.
