ચાલુ ટ્રેનમાં ચડી જગ્યા કરવા જતા યુવકને મળ્યું મોત મળ્યું : સમગ્ર ઘટના સીસીટીવીમાં કેદ
આવી ઉતાવળ ક્યારેય ન કરતા: ચાલુ ટ્રેનમાં ચડી જગ્યા કરવા જતા યુવકને મળ્યું મોત મળ્યું
સુરતના ઉધના રેલવે સ્ટેશન ખાતે ચાલુ ટ્રેનમાં ચડવા જતાં એક યુવક પટકાયો હતો અને તેનું મોત થતાં ચકચાર મચી જવા પામી છે.યુવકએ પોતાના સંબંધી માટે જગ્યા કરવા માટે ચાલુ ટ્રેનમાં ચડવાનો પ્રયાસ કરતાં તેને મોત મળ્યું હતું. હચમચાવી દે તેવી આ સમગ્ર ઘટના સીસીટીવી કેમેરામાં પણ કેદ થઈ છે.
મળતી માહિતી મુજબ મૂળ મૃતક જલગાવનો વતની અને હાલ સુરતના રીંગરોડ સ્થિત ઉમરવાડા વિસ્તારમાં રહેતો ઇમરાન ખાન ઇલાઈ ખાન પઠાણ હતો. જેને સંતાનમાં ચાર બાળકો છે.જેના ઘરે પ્રસંગ હોઈ મહેમાનો આવ્યા હતા અને ત્યાર બાદ તે મહેમાનોને મુકવા માટે ગતરોજ એક વાગ્યા જેવો ઉધના રેલ્વે સ્ટેશન ગયો હતો. ત્યારે પ્લેટ ફોર્મ નબર ત્રણ પર આવતી ટ્રેનમાં તે સબંધી માટે જગ્યા રોકવા માટે ચાલુ ટ્રેનમાં ચડવાનો પ્રયાસ કર્યો હતો ,જ્યા પગ અટવાય જતા અકસ્માતે તે પ્લેટ ફોર્મ પર પટકાયો હતો અને ટ્રેન અડફેટે આવી જતાં તેનું મોત નિપજ્યું હતું.
ઉધના રેલવે સ્ટેશન પર થયેલ આ અકસ્માતની સમગ્ર ઘટનાના પ્લેટફોર્મ પર લાગેલા સીસીટીવી કેમેરામાં કેદ થઈ જવા પામી છે.જેમાં જોઈ શકાય છે કે પ્લેટફોર્મ પર ટ્રેન આવી રહી છે ત્યારે ત્યાં હાજર યુવક ટ્રેન થોડી ધીમી પડતા ચાલુ ટ્રેનમાં ચડવાનો પ્રયાસ કરે છે.જ્યાં બે ત્રણ વખત નિષ્ફળ પ્રયાસ બાદ પણ તે ચાલુ ટ્રેનમાં ચડવાની કોશિશ કરે છે અને આખરે અકસ્માતે તે ટ્રેન અને પ્લેટ ફોર્મની વચ્ચે પટકાઈ છે.જ્યાં સ્થળ પરજ તેનું મોત નિપજ્યું છે.
