સુરતના ઉધનામા જીમ ટ્રેનર દ્વારા મહિલાની છેડતી કરતા લોકોએ મારમારી કર્યો પોલીસના હવાલે
સુરતના ઉધના વિસ્તારમાં આવેલ શેપ કલ્ટ ફીટનેશ જીમના વિધર્મી ટ્રેનરએ યુવતીને મેસેજ કરી હેરાનગતિ કરતા યુવતીએ તેના પરિવારને જાણ કરી હતી. જ્યાં યુવતીના પરિવારજનોએ જીમ ટ્રેનરને સબક શીખવાડવા તેને માર મારી પોલીસને હવાલે કર્યો હતો. તો બીજી તરફ આ ઘટનાના સીસીટીવી ફૂટેજ પણ વાયરલ થયા છે. ઘટનામાં પોલીસે જીમ ટ્રેનર વિરોધ છેડતીનો ગુનો દાખલ કરી તેની ધરપકડ કરી આગળની તપાસ હાથ ધરીશું.
સુરતના ઉધના સાહેબજી કોમ્પલેક્ષ સર્વોતમ રેસ્ટોરન્ટની પાસે શેપ કલ્ટ ફીટનેશ જીમના ટ્રેનર સોહીલ હારૂન સૈયદ ઉ.વ.૨૮ +રહે.પ્લોટ નં.૧૭,રાંદેર પોલીસ સ્ટેશન નજીક બરફના કારખાનામા રાંદેર)એ છેલ્લા કેટલાક સમયથી એક યુવતીને મોબાઈલ નંબર પર ફોન અને મેસેજ કરી હેરાન કરી રહ્યો હતો જેથી યુવતીએ કંટાળી જઈ તેને બ્લોક કરી દેતા આ ઇસમએ સોશિયલ મીડિયા પર મેસેજ કરી યુવતી ને પરેશાન કરતો હતો.જેથી મહિલા દ્વારા આ બાબતની જાણ પોતાના પરિવારને કરતાં યુવતીના પરિવારે જીમ પર પહોંચી યુવકની ઘુલાઈ કરી હતી અને ત્યાર બાદ તેને પોલીસના હવાલે કર્યો હતો.
ઘટના સીસીટીવીમા કેદ
જીમ ટ્રેનર દ્વારા અવારનવાર યુવતી ને કોલ કરી જીમ પર બોલાવવા માટે હેરાન પરેશાન કરતો હોય યુવતી આ અંગે પરિવારને જાણ કરતા યુવતીના પરિવારોના સભ્યો સહિત અન્ય લોકોએ મળી યુવકને મારમારી મેથીપાક ચખાડ્યો હતો. ત્યારે આ ઘટના સીસીટીવી કેમેરામાં કેદ થઈ જવા પામી છે.હાલ આ ઘટનામાં પોલીસે ઉધના પોલીસએ ગુન્હો નોંધી આગળની વધુ તપાસ સર્વેલન્સ પી.એસ.આઈ. એસ.વી .ચૌધરીએ હાથ ધરી છે
